1 TAWARIKH 22:7 - Susula Malalaok Hehelu Palak Ma Hehelu Beuk

⁷ Dauk nafa'da Salomo nae, “Anango nei, dook ka so au tutu'u soaneu apadedeik uma esa soaneu fe ha'da-holomata neu au Manetualain.

1 TAWARIKH 22:7 ပူးပေါင်းရင်းမြစ်များ

2 SEMUEL 7:1

Manetualain nasulu-nahapa Mane Dauk-ka, neme basa musun lala'en-na mai, nalosa ana leo nahele neme uma manen dale.

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 TAWARIKH 29:3

Nakalenak hu kande au susue-lalaing ba'un-na seli soaneu au Manetualaing-nga Uman ndia de, au fe basa au lilofulang lilopilang neme hata-heton-nala mai boe;

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

MAZMUR 132:5

metema, au beita sadia fe Yakob Manetualain-na, uma, fo mamana leleok ba'eneu Manetualain Fo Mabe'i-balakaik nan seli-a.”

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:21

Metema, emi Manetualaim-ma hele mamanak-ka, dook-ka nanseli neme emi mamana leleom-ma mai soona, emi bole do'do sapi esa, bi'ilopo do bi'ihiik, fo Manetualain fe emi kala, fo mi'a su'di bebe'ik-ka, nai emi mamanam-ma, sama leo au afa'da basan neu emi so.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.