1 TAWARIKH 22:5 - Susula Malalaok Hehelu Palak Ma Hehelu Beuk

⁵ Dauk tao basa sila-la nanahu ana dodoo nae leo ia, “Au muse sadia memak hata fo paluun soaneu nafofo'a Manetualain Uman na. Nana au anamaneng Salomo bei anak ka de malelan na beita dai fa, te se'kona Manetualain Uman fo neukose nananafofo'ak ndia muse mana'ahiik ma nanakoa-kiok nai basa daebafak ka lala'en-na.” Boema Dauk beita mate fan te, ana sadia na uma ndia ai batun makadotok.

1 TAWARIKH 22:5 ပူးပေါင်းရင်းမြစ်များ

1RAJA-RAJA 3:7

Ou Amak, fo au Manetualaing-nga, O so'u au da'di manek nggati au amang, leomae au bei muli-soluk nanseli, ma au ta bubuluk eno na tao leo beek fo au akalala'ok paleta fa.

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

1 TAWARIKH 29:1

Boema Dauk nafa'da basa hataholi manamakabubuak lai sila-la nae, “Neme basa au anamaneng-nala mai te, Manetualain helek-ka nde Salomo. Tehu Salomo bei muli-soluk nanseli ma malelan-na beita dai fa, te se'kona tatao-nono'ik ia ba'un-na seli. Basa bai te, nananafofo'ak ia ta uma manek soaneu hataholi daebafak fa, tehu uma soaneu Manetualain.

2TAWARIKH 13:7

Ana naloo nakabubua hataholi malela ha'da tak bubuak esa, de lakaseti Rehabeam fo Salomo anamanen-na tunga sila hihii-nanaun, fo nai lelek ndia muli-soluk nanseli ma ana ta lena-la'ban nalelak fa.

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

2TAWARIKH 2:5

Au ahiik fo ela Manetualain Uman fo neukose au afofo'an ndia, nalupa uma nanakoa-nanakiok, nana ami Amam Manetualaim nanakoa-nanakiok lena neme su'di lamatua daebafak bee mai boe.

2TAWARIKH 2:8

Au bubuluk ae basa manalo'o ai manai Tuan nusan-na, ala lo'o lalelak ai, hu ndia de ela leo been-na Tuan haitua fe au ai kaiou mata-matak-kala ma ai kainituk neme Libanon mai. Neukose au adenu au hataholing-ngala fo ala tulu-fali Tuan hataholin-nala,

2TAWARIKH 7:21

Besak ia uma mamaso-kakasi ia nanafe ha'da-holomata nanseli, tehu nai lelek ndia, hataholi manala'ok tunga ndia, neukose litan fo ala dodoo-doak-kana. Neukose lafa'da lae, ‘Taole'e de Manetualain tao leondiak soaneu nusak ma uma ia?’

EZRA 3:12

Nai imam-mala dalek, hapu imam ba'uk-ka, ma hataholi Lewi-la ma mane leo-la, lasi-lasik-kala lita hai Manetualain Uma makahulun-na so. Lelek lita matan, ala tao Manetualain Uman laten-na fo besak-ka ala taon ia, boema ala kii-lapane'e. Tehu hataholi manai sila-la, ala eeki-latadale no namahokok,

AMSAL 4:3

Lelek au bei anang-nga, fo au amang anaulun-na,

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YESAYA 64:11

Manetualain Uman fo, malalao-malalafuk ma matua-madema, mamanak fo ami bei-ba'i kaim-mala, koa-kio O, ha'i-a, na'a nakalulutuk-kana so; basa mamanak fo, ami mahiik-kana, ala da'di ai-batu manandefak so.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

HAGAI 2:3

“Ade, nai emi dalek, bei hapu hataholi nafandendelek makahulun-na, Au Umang ia lole-napun ma matea-mahelen do ta? Besak ia, tunga emi hahapu ma, leo beek?. Ta malole makandondook fa hetu?

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

LUKAS 21:5

Hapu hataholi la kokolak la'eneu tao leo beek de ala painote la Manetualain Uma na nalole nanseli ninik batu neulau ina la, ma bua-lo'as fo nanafek neu Manetualai na. Boema Yesus nafa'das nae,

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 3:30

Hataholi ndia, muse boetai namatua ka, boema au muse boetai amana ka.”

YOHANIS 9:4

Nai fai lele'do na soona, ita tao-no'i Ndia fo manamadenu Au a, tatao-nono'in. Nanahu nai fai le'odae na, hataholi a ta tao-no'i so'on.