1 TAWARIKH 22:19 - Susula Malalaok Hehelu Palak Ma Hehelu Beuk

¹⁹ Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 TAWARIKH 22:19 ပူးပေါင်းရင်းမြစ်များ

1RAJA-RAJA 5:3

“Mane Hiram Fo Mandela-masa'ak. Tao leo bee o Tuan bubuluk mae au amang Dauk no nakasetik natee-natati tataas esa, nanahu nusa-nusak manai ami boboa kaisu mala mai sapu-lan. Ma hu kande Manetualain beita fen ana sengi basa musun-nala fa, de ana ta hapu loak nafofo'a uma fo mamana hule-haladoik neu Manetualain fa.

1RAJA-RAJA 8:21

Nai Manetualain Uman ndia dalek, au sadia basa mamanak soaneu Peti Hehelu-balataa ka fo isin-na batu hehelu-balataak neme Manetualain no ita bei-ba'i kai nala nai lelek Ana nos kalua leme Masir mai.”

1RAJA-RAJA 8:6

Basa ndia boema, basa imam mala leni Peti Hehelu-balataak ndia leo Manetualain Uman neu de ala pe'dan nai mahahae nusa so'dak sila-la doki dulan daen-nai Kama Malalao-malalafuk nanseli-a dalek.

1 TAWARIKH 16:10

Ndia nde Manetualain Fo Kisak; mamahoko-stelee leona, nana Ndia nuun ita; basa manasene-do'ok kana ela leo been-na mamahko-setelee.

1 TAWARIKH 16:11

Moke be'i-balakaik neme Ndia mai, sene-do'ok neun tunga faik.

1 TAWARIKH 22:16

makadotok nanseli. Nah, mulain no lai-laik leona! Ela leo been-na Manetualain tulu-fali o.”

1 TAWARIKH 22:7

Dauk nafa'da Salomo nae, “Anango nei, dook ka so au tutu'u soaneu apadedeik uma esa soaneu fe ha'da-holomata neu au Manetualain.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 20:3

Yosafat bii-namata'u nanseli, boema ana hule-haladoi noke tutulu-fafalik neme Manetualain mai. Bas boema ana fe paleta fo ela basa laun-na lala'en-na okaaon-nala.

2TAWARIKH 5:7

Basa ndia boema, basa imam-mala leni Peti Hehelu-balataak ndia leo Manetualain Uman dale neu de ala pe'dan neu mahahae nusa so'dak-ka dodoki-dudulan-na nisi daen-na nai Kama Malalao-Malalafuk Nanseli-a dalek.

2TAWARIKH 6:11

Nai ManetualainUman ndia dalek, au sadia basa mamanak soaneu Peti Hehelu-balataak fo isi-na batu hehelu-balataak neu Manetualain no anan Israel.”

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

HAGAI 1:5

So'ba taoafik neu emi ha'da tataom leona!

HAGAI 1:8

Besak ia, kae leo pupukuk-kala lain meu, fo ho'i ai, fo mafofo'a Au Umang-nga; soona neukose Au daleng-nga loak, ma neukose Au nanasene-do'ok seluk, no eno matetuk. So'ba taoafik neu emi ha'da-tataom!

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

HATAHOLI 22:16

Besak ia boso boe mahani mala doo ka bai. Fo'a fo salani o leona. Malo neu Lamatua ka fo Ana se'i-po'i o meme o sala-singo mala mai.’ ”

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.