1 TAWARIKH 22:13 - Susula Malalaok Hehelu Palak Ma Hehelu Beuk

¹³ Metema o tunga basa hoholo-lalanek fo Manetualain fen neu Musa soaneu leoina Israel-la soona, neukose o hapu buna-boak. O muse mamahele te'e-te'e ma mapalani. Boso bii masasalematak moo su'di beek ka boen.

1 TAWARIKH 22:13 ပူးပေါင်းရင်းမြစ်များ

1RAJA-RAJA 2:2

“Fain-na losa, au mate ia so. Ela leo been-na o mamahele ma mapalani.

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

1 TAWARIKH 28:10

Mafandendelek matalolole mae Manetualain hele basa o soaneu mapadedeik uma hehelik ba'eneun. Nah, besak ia taon no hihii-nanauk matea-mahelek leona.”

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

1 TAWARIKH 28:7

Metema no te'e-te'ek ana tunga basa Au hoholo-lalaneng ma Au paletang-ngala nahele sama leo hata fo ana taon besak ia soona, neukose Au tao atea-ahele nusan-na losa dodoon-na.’ ”

2TAWARIKH 14:6

nalosa ana hapu nafofo'a kota musu soaneu Yehuda kota-kota-nala. Teuk de'ubee dalen-na natee-natatik ta, nanahu Manetualain fen so'dak mole-dame-a.

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

2TAWARIKH 26:5

Manamanoli-mafa'da anan-nala so'on-na nde Zakharia. Nai lelek Zakharia bei naso'da, Uzia sene-do'ok neu Manetualain no lilinekak, nalosa Manetualain ba'e-palan.

2TAWARIKH 32:7

“Matetea dalem-mala ma mahele leona; boso bii-mamata'u neu manek Asyur-ra, do neu solda'dun-nala. Ita be'ibalakain ba'ulena ndia be'ibalakain.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

MAZMUR 72:1

Neme Salomo mai. Ou Manetualain, manoli O hoholo-lalanem neu manek-ka, fe O ndoom-ma matetum-ma neu manek-ka anamanen-na.

HAGAI 2:4

Tehu, boso ketu namahehena mala, hai emi basa-basam-mala lemin! Tao-no'i makandoo bela-ba'uk ndia, nana neukose Au tulu-fali ahele emi.

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

HATAHOLI 13:22

Manetualain kekoheo kana neme kandela nangatutuu na mai boema, Manetualain so'u fes Dauk da'di sila manen. Ma hu ka nde dede'ak ia de Manetualain kokolak la'eneu Dauk nae, ‘Au bubuluk basa Dauk fo Isai anan ndia, nandaa no Au dale nga. Ndia nde hataholi fo neukose ana tao-no'i Au hihii-nanau nga.’

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

YAKOBIS 2:8

Emi tao-no'i tatao-nono'im malole, metema emi tao tunga hoholo-lalanek fo nanasulak nai Susula Malalaok dale nae leo ia, “Sue-lai o nonoo hataholi ma, sama na leo o sue-lai ao ina ma.”

YOSUA 1:18

Basa hataholi, fo ana ta nau nakatele neu o koasam-ma, do ana ta nau tunga o paletam-ma fa soona, neukose nanahukunisak. Ela leo been-na, o mamahele, ma mapalani!”