1 TAWARIKH 21:26 - Susula Malalaok Hehelu Palak Ma Hehelu Beuk

²⁶ Boema Dauk napadedeik mei tunu-hotuk esa neu dia soaneu Manetualain, de ana fe tutunu-hohotuk nanatunuk, ma tutunu-hohotuk mole-dame. Basa boema ana hule-haladoi de Manetualain nataa hule-haladoin ndia nenik Ana haitua ha'i neme lalai mai de na'aheni tutunu-hohotuk manai mei tunu-hotuk ndia lain.

1 TAWARIKH 21:26 ပူးပေါင်းရင်းမြစ်များ

1RAJA-RAJA 18:24

Neme na fo nabi Baal-la sila-la hule-haladoi neu sila-lamatua daebafan-na, ma au boeo neukose hule-haladoi neu Manetualain. Fo bee ka nde nataa nenik Ana haitua ha'i mai soona, ndia kande Manetualain-na.” Basa laun-na lala'en-na lataa lapane'e lae, “Ami makaheik!”

1RAJA-RAJA 18:38

Boema Manetualain haitua ha'i a neme lalai mai, de ana hotu naputu tutunu-hohotuk ndia no ai ha'i na, batu nala ma daen-na boema anan-nahaa nama'da oe manai oelolok ndia dalek-ka.

1 TAWARIKH 21:27

Boema Manetualain nadenu ata nusa so'dak ndia so'dok falik tafainan na, boema ata nusak so'dak ndia tao tunga Manetualain paletan ndia.

2TAWARIKH 3:1

Manek Dauk-ka naketu basa nae Manetualain Uman ndia muse nafofo'an nai Yerusalem nai Letek Moria fo nai Arauna hataholi Yebus-sa mamana popo'de gandum-ma. Manek Salomo mulai nafofo'a Manetualain Uman ndia

2TAWARIKH 7:1

Manek Salomo-a hule-haladoi basa boema, ha'i-a kona neme lalai mai de ana hotu tutunu-hohotuk fo nanafek neu Manetualain-na. Boema Manetualain mai de mangale'do-na henu Manetualain Uman ndia,

MAZMUR 51:15

Soona neukose au anoli O paletam-ma neu hataholi masala-masingok-ka, fo ela ala fali ma'is leo O mai.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

BILANGAN 16:50

Lelek Harun fali leo Musa nai Manetualain Lalaa Teman-na lelesu bafan-na, te he'di-laus ndia nate'e so.

HAKIM-HAKIM 13:20

Lelek, ha'i pila neme batu tutunu-hohotuk ndia leo lain neu, Manoah no saoinan-na lita Manetualain ata nusa so'dan ndia, ana kae leo lain neu, nai ha'i pilak ndia dalek, leo lala'i neu. Besak-ka Manoah name'da, nae Manetualain ata nusa so'dan ndia; boema no saoinan-na sene-do'ok. Ta lita ata nusa so'dak ndia so'on.

HAKIM-HAKIM 6:21

Basa boema, Manetualain ata nusa so'dak ndia look liman-na neu, de ana due paa ma loti ndia, nenik ana ho'u aianak-ka pe'dan-na. Boema, batu ndia ana pila, de ha'i na'a heni paa ma loti ndia. Basa boema, ata nusa so'dak ndia, mopok-kana.