1 TAWARIKH 21:23 - Susula Malalaok Hehelu Palak Ma Hehelu Beuk

²³ Arauna nataa nae, “Ah, ka'da ho'i-man, Ama Manek, fo tao su'di beek fo Ama Manek dodoon malole Sapi la nde ia soaneu tutunu-hohotuk nanatunuk, ma soaneu ai ha'i a soona, Ama Manek bole pake popo'de gandum ia papan nala. Bole ho'i gandum boe, soaneu tutunu-hohotuk. Au Tuang nga boso bae au fe basa hata sila-la.”

1 TAWARIKH 21:23 ပူးပေါင်းရင်းမြစ်များ

1RAJA-RAJA 19:21

Elisa fali leo ha'deoe neu, boema ana do'do sapi nala. Ana pake lange manai sapi-la lesuha'in-na da'di ai ha'i, fo ana tunu-nasu nenik sapi sila paan-na. Basa boema ana baba'e paa sila-la neu ana manatunga dean-nala fo la'a. Basa ndia boema Elisa neu tunga Elia de ana da'di Elia manatulu-falin.

1 TAWARIKH 21:22

Dauk nafa'dan nae, “Au nau apadedeik mei tunu-hotuk nai mamanak ia soaneu Manetualain, fo ela he'di-laus ia nate'e leona. Hu ndia de, mase'o dae ia leo au mai. Mafa'da belin na de'ubee, te neukose au baen.”

1 TAWARIKH 21:24

Tehu manek-ka nataa nae, “Bosok! Au nau bae atetu belin na. Au ta nau tunu-hotu hata fo o nuum do au hapu hata esa no beli taak neu Manetualain fa.”

YEREMIA 32:8

Boema nanda no hata fo Manetualain nafa'dak-ka, de Hanameel mai nakanini au nai uma manek-ka so'dan, fo nafa'da au asa-a daen-na. Hundia de au amahele te'e-te'e ae Manetualain kokolak no au.

SEMUEL SUSULAK-KA ESAN-NA 6:14

Nggalobak ndia nate'e deka no batuina esa, nai laun Bet-Semes esa na'de Yosua tinan-na. Kota ndia laun-nala bia nggalobak-ka ai-nala, boema ala ta'ti sapi ka duak sila-la soaneu tutunu-hohotuk nanatunuk fe Manetualain.