1 TAWARIKH 21:2 - Susula Malalaok Hehelu Palak Ma Hehelu Beuk

² Boema Dauk nafa'da Yoab ma basa malanga solda'du matuainan nala nae, “Sulak laun Israel-la lala'en-na dede'un nala mulai neme kota losa nggolo-nggolok kala, nanahu au ahiik bubuluk laun Israel-la dede'un na de'ubee.”

1 TAWARIKH 21:2 ပူးပေါင်းရင်းမြစ်များ

KEJADIAN 21:14

Balahaa fafaik boema, Abraham fe Hagar nana'ak ma alukosu bana louk esa, oe nai dalek, soaneu tua-lepa nai enok. Ana tao basa-basas neu Hagar alun lain, de nadenu inak ndia no anan, la'o leona. Boema Hagar la'o leona, de naleu-nalaak nai mook solokaek Bersyeba.

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.

SEMUEL SUSULAK-KA ESAN-NA 3:20

Hu ndia de, basa hataholi Israel fo maleme nusak ndia lala'en-na mai, ala manaku lae Semuel nde been-na, Manetualain nabin. Nai lelek Semuel kokolak soona, basa leoina Israel-la lamanenen. Manetualain bei natu'du nakandoo aoinan-na nai Silo, fo nai bee, soaneu ka la'i makasososan-na, natu'du aoinan-na neu Semuel, de Ana kokolak non.