1 TAWARIKH 21:15 - Susula Malalaok Hehelu Palak Ma Hehelu Beuk

¹⁵ Boema Manetualain nadenu ata nusa so'dak esa soaneu tao namate-namopo Yerusalem. Tehu lelek ata nusa so'dak ndia losa nai deka no Arauna fo hataholi Yebus ndia popo'de gandum ma boema, Manetualain nasafali nakeketun soaneu huku leoina ndia. Nafa'da ata nusa so'dak ndia nae, “Dai so! Mate'e leon!”

1 TAWARIKH 21:15 ပူးပေါင်းရင်းမြစ်များ

KEJADIAN 19:13

nana, neukose ami tao mamopo-mamate kota ia. Manetualain namanene basa kalaak mabelaina-la, la'eneu laun manai ia-la so, de nadenu basa ami, fo tao makalulutuk kota Sodom-ma.”

KEJADIAN 6:6

Manetualain boeo nasasale dale, nakadada'dik hataholi sila-la, de Ana fes ala leo nai daebafak-ka. Dalen-na ba'ihana nanseli,

2 SEMUEL 24:16

Boema, Manetualain ata nusa so'dan maneni mamates ndia, ana losa nai Arauna, fo hataholi Yebus ndia, mamana po'de gandum-ma so. Lelek Manetualain nita ata nusa so'dak ndia naheheleaon basa, fo ana tao namopo-namate Yerusalem boema, Manetualain dodoo nasafali seluk nakeketun-na, de Ana hahae huku leoina ndia. Nafa'da ata nusa so'dak ndia nae, “Dai so! Mate'e leona!”

2 SEMUEL 24:18

Nai faik ndia boe, Gad neu leo Dauk neu, de nafa'dan nae, “Ela leo been-na, Ama Manek kae leo Arauna mamana po'de gandum-ma neu, fo mapadedeik mei tunu-hotuk ba'eneu Manetualain.”

1RAJA-RAJA 19:4

boema ana la'o eik faik esa dalen-na leo moo solokaek ka neu, de ana hahae neme ai matuaina esa huun-na. Ana nangatuuk neu ndia de nahiik fo ela ana mate leona. Nafa'da Manetualain nae, “Au ta akatatakak seluk so'on Manetualain. Ho'i ma au hahae nga leona. Au ta malole lena neme au bei-ba'i kaing-ngala mai fa!”

2TAWARIKH 3:1

Manek Dauk-ka naketu basa nae Manetualain Uman ndia muse nafofo'an nai Yerusalem nai Letek Moria fo nai Arauna hataholi Yebus-sa mamana popo'de gandum-ma. Manek Salomo mulai nafofo'a Manetualain Uman ndia

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

KELUARAN 9:28

Hule-haladoi neu Manetualain leona; ami doi-dosom-ma dai so, nanahu mangguluk ma u'da eis ia. Neukose, au po'i emi la'o. Emi boso boe leo meme ia bai.”

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

YEREMIA 7:12

Meu leo Silo, kota fo makahulun-na, Au helen da'di mamana makaluku-makatele neu Au. Mete su'dik, hata fo Au tao basan, soaneu mamanak ndia, nanahu Au anang Israel sala-singon.

AMOS 7:3

Manetualain dodoo nasafali dale tutu'un-na, de nafa'da nae, “Hata fo o mitak ndia, neukose ana ta da'di fa.”

AMOS 7:6

Manetualain dodoo nasafali dale tutu'un-na seluk, de nafa'da nae, “Ia boeo, neukose ta da'di fa.”

YUNUS 3:10

Manetualain nita sila tatao-nono'in-nala. Nita, ala tu'u-tapa heni sila ha'da-tatao mangalaun-nala so. Boema Ana dodoo nasafali nakeketun-na, de Ana ta da'di huku fas.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MARKUS 14:41

Lelek fo Yesus fali ma'in neu kala'i telu na boema, nafa'das nae, “Ade emi bei sungu fo emi hahae ao mala do? Dai so! Fai na losa soaneu Ana Hataholi ka nanafek leo hataholi masala-masingo kala liman dale neu.

1 KORINTUS 10:10

Ita boeo ta bole bemumu; sama leo makahulu na sila nggelok bemumu de nalosa ata nusa so'da manini Mamate sa taonisa la'iesa kasa.

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.