1 TAWARIKH 21:14 - Susula Malalaok Hehelu Palak Ma Hehelu Beuk

¹⁴ Boema Manetualain fe he'di-laus sa leo hataholi Israel-la neu, nalosa mate sila hataholin lifun hituhulu.

1 TAWARIKH 21:14 ပူးပေါင်းရင်းမြစ်များ

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

2RAJA-RAJA 19:35

Le'odaek ndia boe, Manetualain ata nusa so'dan esa, ana mai leo hataholi Asyur-ra ofun-na mai, de ana taonisa solda'du 185.000. Balahaa fafaik te, popolan-nala lalefu-le'ak.

1 TAWARIKH 27:24

Yoab fo Zeruya anan-na lke laun-na dede'un-na, tehu ana ta nakababasak-kana fa, nana Manetualain huku hataholi Israel-la, nanahu lelekek ndia. Hu ndia de, sila dede'un-na ta nanasulak nai Manek Dauk-ka susulan dale fa.

KELUARAN 12:30

Le'odaek ndia, basa manek-ka manapaletan-nala, ma basa hataholi Masir-rala fo'a. Nai basa nusa Masir-ra lala'e-na, hala kikii-makaleleu matuaina nananamanenek, nanahu ta hapu uma esa boen, fo ta mate anatoun-na fa.

BILANGAN 25:9

Tehu ndia te, hataholi manamate basak-kala, hataholi lifun duahulu haa so.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.