1 TAWARIKH 21:13 - Susula Malalaok Hehelu Palak Ma Hehelu Beuk

¹³ Dauk nataa nae, “Awii, au soe! Ta malole metema hataholi daebafak ka huku au, malole lenak Manetualain huku au, nana susue-lalain ba'u na seli.”

1 TAWARIKH 21:13 ပူးပေါင်းရင်းမြစ်များ

2RAJA-RAJA 6:15

Balahaa fafaik, fo nai lelek, Elisa atan-na fo'a, de ana leo deak neu boema, nita solda'du Siria-la lakahapi-la kota ndia, no ndala ma kaleta musun-nala lamatetu. Da'di, ana fali leo Elisa neu, de nafa'dan na, “Ita soe, Tuan! Ita muse tao leo beek?”

2RAJA-RAJA 7:4

Metema, ita teu leo kota dale teu soona, neukose ita mate to la'a sa; ma metema ita tahele ka'da ia soona, neukose ita mate boe. Malole lenak, ata teu leo hataholi Siria-la, uma ofun-na teu. Fafa'kama, ka'da ala taolisa ita. Do fafa'kama, ala ta tao ita le'e esa boen.”

2TAWARIKH 28:9

Manetualain nabin esa na'de Oded, ana leo nai kota Samaria. Nai lelek solda'du Israel-la fali no leni hataholi nanafook neme Yehuda mai boema, Oded neu natongon-nos nai lelek ala sanga masok lala kota dale. Nafa'da nae, “Emi sengi hataholi Yehuda-la so, nanahu emi bei-ba'i kaim-mala Manetualain namanasas. Tehu Manetualain namanene tao leo beek emi taomisa solda'du Yehuda sila-la no dale susue-lalai taak.

ESTER 4:11

“Hataholi-la esa-esak, nau touk do inak boe, metema ala ta hapu hala nalolook fo leu lataa manek-ka nai uma manek-ka so'dan manai dalek-ka fa soona, muse hukunisan. Ndia nde been-na susulan-nakeketuk, fo basa hataholi-lala'en-na, mulai neme manek-ka hataholi manamanolin-mafa'dan-nala, losa laun manai propensi-la, muse bubuluk nakeketuk ndia. Hapu ka'da enok esa mesak-kana, fo nde metema manek-ka natu'du aitete'e lilopilan-na neu see soona, hataholi ndia nde naso'da. Tehu basa bulak esa ia so, te manek-ka ta naloo au fa.”

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

MAZMUR 103:8

Nana Manetualain manasue-laik, Ana ta haelai namanasa, ma susue-lalain sasi kao-kao.

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

MAZMUR 119:156

Ou Manetualain, tete'ek-ka, O dale kasiam-ma, ba'un-na seli, soi-tefa-mala au, nandaa no O ndoos ma matetum-ma.

MAZMUR 130:4

Tehu O nau fe do'o do ampon, fo ela hataholi-a, da'di hataholi kamahehelek.

MAZMUR 130:7

Mamahena neu Manetualain, hai anan-nala lemin, nana Ana sue-lai nahele, ma naheheleaon tataas esa, soaneu Ana soi-tefa.

MAZMUR 5:7

O tao mamopo-mamate hataholi fo ana hii nasapepeko-nasandandali, manatipu-daik ma kanisak-ka, O makadadaek-kasa.

MAZMUR 69:13

Ala kokolak au na'deng-na nai mamana nakabuak, ma hataholi manamafuk-kala nakameen-na, nde bee-na la'eneu au.

MAZMUR 69:16

Boso po'ilotak lii matuaina tao-na au bolo, fo au bolo leo tasi buin-na neu do nananatoik nai bolok dale.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

AMSAL 12:10

Hataholi malole-a, ana taoafik bana-manun; tehu hataholi mangalauk-ka, ana tao doi-doso bana-manun.

YESAYA 46:7

Dodoki-dudulak ndia, nanapakuk, ma nanape'dak nai mamanan-na, ana napadeik nai ndia, ma ta hapu laliheok-kana fa Metema, hataholi hule-haladoi neun soona, ana ta nataa fa, ma ana ta soi-tefa-nala fan, neme toto'a-tataan-na mai fa.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

FILIPI 1:23

Besak ia, au dodoo doa kana so; Au ahiik anseli, au la'oela daebafak ia, fo au u leo o Kristus, nana ndia nde malole nanseli a;

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!