1 TAWARIKH 21:12 - Susula Malalaok Hehelu Palak Ma Hehelu Beuk

¹² Soe la'andoes sa la'e nusak ia teuk telu dalen-na, do musu usi nahele Ama Manek bulak telu dalen-na, do Manetualain sapun-na nusak ia faik telu dalen na, nenik tafainan fo nalupa he'di-laus, ma ata nusa so'da nala leni mamates leo mamanak lala'en-na neu. Besak ia maketu leon, hata fo au muse anduku-alosak kana neu Manetualain.”

1 TAWARIKH 21:12 ပူးပေါင်းရင်းမြစ်များ

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

2RAJA-RAJA 19:35

Le'odaek ndia boe, Manetualain ata nusa so'dan esa, ana mai leo hataholi Asyur-ra ofun-na mai, de ana taonisa solda'du 185.000. Balahaa fafaik te, popolan-nala lalefu-le'ak.

2RAJA-RAJA 8:1

La'i esa boema, Manetualain fe soe la'a-ndoes-sa nai nusa Israel-la, teuk hitu dalen-na. Manada'dik ndia, beita da'di fa te, Elisa nafa'da basa dede'ak ndia, neu inak-ka neme Sunem mai, fo anan-na nanatao naso'da falik. Elisa boeo nadenun, fo no teidalen-nala, lali heok leo nusa fe'ek leu.

1 TAWARIKH 21:11

Boema Gad neu leo Dauk neu de nanduku-nalosak Manetualain hala-hehelun ndia nae, “Beek kande Ama Manek helen:

MAZMUR 91:6

neukose soe fo, ana mai nai fai makahatuk-ka, do nakalulutuk fo manatuni-ndenik-ka, nai fai le'dohanan-na.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 42:16

“Natee-natatik ma la'a-ndoes-sa fo emi bii-mamata'uk ndia, neukose usi nahele emi losa Masir, ma neukose mate-mopo emi nai nusak ndia.

YEREMIA 47:6

Emi nggasi mae, ‘O sapum-ma ami losa fai hi'da, hai Manetualain tafan-na? Fali mu'um-ma lo o mamanam dale mu fo mahele neme na no nene-lino-linok!’

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

IMAMAT 26:10

Emi dae-ma buna-boan, neukose ana sasi kao-kao, nalosa nana'ak-ka dai, soaneu teuk esa dalen-na. Nakalenak, nau do ta nau fa-o, emi muse kalua heni buna-boak nanaketu-kolu palaak-kala, fo ela hapu mamanak soaneu emi pe'da-fua buna-boak nanaketu-kolu beuk-kala.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

LUKAS 4:25

Tehu mamanene leona: te nai lelek Elia tepo-lele na, lelek u'dan ta teuk telu seselik dale na, boema la'a-ndoe matuaina da'di nai basa nusak a lala'ena. Nai lelek ndia, hapu inafalu makadotok nai Israel.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

ULANGAN 28:15

“Tehu metema, emi ta tunga emi Manetualaim-ma, ma emi ta tunga no emi dalek katematuam-ma, neu basa paletan ma hoholo-lalanen fo faik ia, au fen neu emi fa, soona basa soo-supak ia-la, neukose ala tuni-ndeni-la emi:

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:27

Neukose, Manetualain huku emi nenik bisunggumak, fo sama leo Ana taon neu hataholi Masir-ra. Emi aom-ma, neukose henuk no bisu-a, ma kosolouk fo emi aom-ma nakaa, tehu ta hapu mo'do-akidoon-na fa.

ULANGAN 28:35

Neukose, Manetualain taon-na emi eim-ma bisu-bisu mesan, fo he'din-na seli, tehu ana ta hapu lea-hai fa; neukose bisunggumak-kala, ala da'di neme emi eiku'um-ma losa emi langadoo pe'dam-ma.