1 TAWARIKH 20:5 - Susula Malalaok Hehelu Palak Ma Hehelu Beuk

⁵ Nai natee-natati fe'ek esa dalek soaneu la'ban hataholi Filistin nala, Elhanan, fo Yair anan na taonisa Lahmi fo Goliat hataholi Gat ndia tolanon na. Lahmi tee na ai na ba'u manatenu-henge la ai bole na.

1 TAWARIKH 20:5 ပူးပေါင်းရင်းမြစ်များ

2 SEMUEL 21:19

Nai natee-nata'ti fe'ek loo hataholi Filistin-nala nai Gob, Elhanan, fo Yair anan-na, fo neme Betlehem mai, ana taonisa Goliat, fo neme Gat mai. Goliat teen ndia ain-na, ba'u bole tenu-hengek-ka.

1 TAWARIKH 11:23

Ana tao nisa hai hataholi Masir ao matuaina esa so boe; Hataholi ndia dedeman-na, metel 2 lenak. Hataholi ndia ho'u tee matuaina, tehu Benaya nasasalematak non nenik ka'da ai kalapu'ak. Ana loso-na tee manai hataholi Masir ndia liman-na, boema ana tee nisan nenik tee ndia.

1 TAWARIKH 20:6

Nai natee-natati fe'ek esa seluk nai Gat, hapu hataholi ao matuaina ma mademaina esa, limaku'un nee ma eiku'un nee. Hataholi ndia tititi-nonosik neme hataholi ao matuaina ma mademaina tepo lelek makahulun eli mai.

SEMUEL SUSULAK-KA ESAN-NA 17:4

Boema palani ta'ti batu esa na'de Goliat, neme kota Gat-ta mai, ana kalua neme hataholi Filistin-nala mamana ofun dale mai, de nahee hataholi Israel-la. Deman-na, fafa'kama metel telu,

SEMUEL SUSULAK-KA ESAN-NA 17:7

Tee ndia ain-na, ba'u ina manatenu-hengek-kala bolen esa, ma tee ndia isin-na belan-na, fafa'kama kilo hitu. Solda'du esa ho'u babaa fanan-na, de ana la'ok nai matan-na.

SEMUEL SUSULAK-KA ESAN-NA 21:9

Boema, Ahimelekh nataa nae, “Au pe'da Goliat, hataholi Filistin fo o taomisan neme Bafak Ela ndia, tafainan-na nai ia; au pe'da tafaina ndia nai ba'du babaa fanak-ka dean-na, nanapotik nai temak esa dalek. Metema o nau soona, ka'da muu ho'i-man, nana au pe'da ka'da tafaina ndia mesak-kana nai ia.” Dauk nae, “Tafaina ndia, tafaina neulauk nanseli, nai basa nusak ia lala'en-na, de fe tafaina ndia leo au mai!”

SEMUEL SUSULAK-KA ESAN-NA 22:10

Ahimelekh noke natutu'duk neme Manetualain mai, la'eneu hata fo Dauk muse tao-no'in. Fe'ek neme ndia mai, ana fe Dauk tua-lepa boe, ma ana fe Goliat fo hataholi Filistin ndia, tafainan-na leo Dauk neu.”