1 TAWARIKH 20:1 - Susula Malalaok Hehelu Palak Ma Hehelu Beuk

¹ Fai sele-nggali manamaik ka, fo mane-manek-kala biasa na leu latee-latati boema, Yoab nadenu solda'dun nala leu de ala loso la nusak Amon na. Nai lelek ndia, Manek Dauk ka nahele neme Yerusalem, de ana ta tunga fa. Yoab no solda'dun nala lakahapi la kota Raba, boema ala sapu lan de ala tao lakalulutuk kota ndia.

1 TAWARIKH 20:1 ပူးပေါင်းရင်းမြစ်များ

2 SEMUEL 11:1

Nai faik fo manek-kala leu latee-lata'ti, Dauk nadenu Yoab no basa malanga solda'du matuaina-nala, ma solda'du Israel-la lala'en-na, leu latee-lata'ti; boema, ala sengi hataholi Amon-nala, ma lakahapi-la kota Raba. Tehu Dauk leo neme Yerusalem.

2 SEMUEL 17:27

Lelek Dauk losa Mahanaim boema, hataholi manasipok-kana nde Sobi, fo Nahas neme kota Rama nai Amon, anan-na, ma Makhir, fo Amiel neme Lodebar anan-na, ma Barzilai, neme Rogelim mai, fo nai Gilead.

1RAJA-RAJA 20:22

Basa boema nabi ndia neu leo Ahab neu de nae, “Besak ia, malolelenak tuan fali fo tao matetea aoinam-ma boema tutu'u eno na no tasak, nanahu mane Siria neukose ana mai sapu seluk nai fai timu.”

1RAJA-RAJA 20:26

Nai fai timu manamaik ia boema, ana hoka basa solda'dun-nala de leu leo kota Afek-ka leu, fo sapu-la hataholi Israel-la.

2RAJA-RAJA 13:20

Basa ndia boema, mate Elisa, de latoin. Nai tepo-lelek ndia, Moab hataholin manatao nakabua makahatun-nala, biasan-na, teuk 1 soona, ala sapu-la nusa Israel-la la'i 1.

1 TAWARIKH 19:19

Lelek fo Hadadezer kaosa mane-manek-kala lita lae solda'du Israel-la sengi sila so boema, ala loke mole-dame loo Dauk de lakatele neun. Basa ndia boema, hataholi Siria la ta nau tulu-fali hataholi Amon nala so'on.

YESAYA 54:16

Au nde akadada'dik tuka besi, fo ana nggengge'u ha'i-a, soaneu tutu tafa-sisilo. Au boeo, nde manamakadada'dik solda'du, fo manapake tafa-sisilo soaneu nanisa.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESKIAL 25:5

Neukose, Au tao asafali kota Raba da'di mamana foo onta, ma basa nusa Amon-na lala'en-na, ana da'di mamana foo bi'ilopo. Soona besak-ka emi bubuluk mae Au nde, Manetualain-na.’ ”

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)