1 TAWARIKH 2:23 - Susula Malalaok Hehelu Palak Ma Hehelu Beuk

²³ Tehu nusak Gesur ma nusak Aram-ma, sengi nggolok 60 nai nusak ndia, fo hataholi Yair-rala nggolon-na, Kenat nggolon-na, boema nggolo-nggolo anak manai titia-tatain-nala nai dalek boe. Basa hataholi manaleo manai sila-la nde been-na, Makhir, fo Gilead aman tititi-nonosin sila.

1 TAWARIKH 2:23 ပူးပေါင်းရင်းမြစ်များ

KEJADIAN 50:23

Ana bei hapu loak nita Efraim upu-anan. Boeo ana bei hapu loak nakaboboi Makhir anan-nala, fo nde Manasye upun-nala da'dileo ndia ana bongin.

1 TAWARIKH 2:22

de Segub bongin-na anatouk esa na'de Yair, fo nggolon 23 nai nusa Gilead-ta.

1 TAWARIKH 2:24

Mate basa Hezron boema, anamanen Kaleb saon-na Efrat, fo aman mate la'oelan. Sila anatoun-na na'de Asyur; ndia nde napadedeik kota Tekoa.

ULANGAN 3:14

Yair, fo neme leo Manasye mai, ana ho'in-na nusa Argob-pa lala'en-na fo nde: neme Basan losa Gesur no Maakha dae toon-na. Ana foi nggolok sila-la na'den-na tunga ndia na'den-na, de losa besak ia, hataholi-la loken soona, lae nggolok Yair.)

YOSUA 13:13

Tehu, hataholi Israel-la, ta usiheni laun Gesur ma Maakha-la fa; ala bei leo lahele nai Israel.

YOSUA 13:30

Sila nusan-na, dae toon-na losa leo Mahanaim neu, fo Basan lala'en-na nai dalek, fo nde: Og, fo mane Basan-na nusan-na lala'en-na, ma Yair nggolo ka neehulun manai Basan nala boe.