1 TAWARIKH 19:16 - Susula Malalaok Hehelu Palak Ma Hehelu Beuk

¹⁶ Hataholi Siria la bubuluk lae hataholi Israel-la sengi sila so. Boema laloo sila solda'dun fo maleme nusak manai Lee Efrat a boboan dulu, de ladenu sila solda'dun sila-la latee-latati fo Hadadezer manek Zoba ndia malanga solda'du matuainan na fo Sobakh nauli-nalangas.

1 TAWARIKH 19:16 ပူးပေါင်းရင်းမြစ်များ

2 SEMUEL 10:16

Boema, Mane Hadadezer-ra, nadenu hataholi neu naloo hataholi Siria manaleo nai Lee Efrat-ta boboan dulu, boema Mane Hadadezer-ra neme Soba mai, malanga solda'du matuainan Sobakh, nauli-nalangas de ala mai leo Helam mai.

1 TAWARIKH 19:15

Lelek hataholi Amon nala lita solda'du Siria la lalai boema, sila boeo lalai leme Abisai mai, de lakadedeak leo kota dale leu. Latee-latati basa loo hataholi Amon nala boema, Yoab fali leo Yerusalem neu.

1 TAWARIKH 19:17

Dauk namanene dede'ak ndia boema, nakabubua basa solda'du Israel-la lala'en-na, boema ala lena leo Lee Yarden na selik leu de lapadeik lasasalematak loo solda'du Siria la. Boema ala latee-latati leona,

MAZMUR 2:1

Tao le''e de, leoina-la tao tasi'bu ma leo-leo-la, tutu'u hata manada'di tak-ka?

YESAYA 8:9

Hai basa leoina-la lemin, Makabubua no nggenggengek leona! Mamanene leon, hai daebafak-ka pe'dan-nala lemin! Maheheleaom leona, fo matee-mata'ti, tehu no dalek fo manadele ngge'be-ngge'bek! Hei, maheheleaom leona, tehu no dalek fo, manadele ngge'be-ngge'bek!