1 TAWARIKH 19:13 - Susula Malalaok Hehelu Palak Ma Hehelu Beuk

¹³ Matetea dalem ma! Mai fo tatee-tatati no napalanik soaneu ita leoinan-na ma soaneu ita Manetualain kota-kota-nala. Sa'di leo been-na Manetualain tao hata fo nahiik kana.”

1 TAWARIKH 19:13 ပူးပေါင်းရင်းမြစ်များ

2 SEMUEL 10:12

Matetea-mahehele o dalem-ma! Mai fo tatee-tatati no napalanik, soaneu ita leoinan-na, ma soaneu ita Manetualain kotan-nala. Sa'di leo been-na, Manetualain tao su'di beek fo nahiik-kana.”

2 SEMUEL 15:26

Tehu metema, Manetualain ta sue-lai au fa soona, au sadia sipok hata fo Ana taon la'eneu au aoinang-nga!”

1 TAWARIKH 19:12

Yoab nafa'da fa'din ndia nae, “Metema solda'du Siria la balakain na lena au soona, lai-lai mai fali au. Boema metema solda'du Amon nala balakain na lena o soona, neukose au ne'i fali o.

1 TAWARIKH 19:14

Yoab no solda'du nala tutulumatak lakandoo, nalosa solda'du Siria la lalai.

EZRA 10:4

O nde muse ho'i nakeketuk. Neukose ami fali o, no dale katematuak. Ho'i nakeketuk no napalanik, losa babasan-na.”

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

AYUB 1:22

Da'di, leomae Ayub la'ola'di basa susa-soe sila-la, tehu ana ta tao sala-singok, ma ana ta fe salak neu Manetualain fa.

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.

YOSUA 10:25

Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

HAKIM-HAKIM 10:15

Tehu hataholi Israel-la, lafa'da Manetualain lae, “Ami masala-masingo so, Manetualain. Tao su'di beek, fo O mahiik-kana; sa'di faik ia, O tulu-fali ami.”

SEMUEL SUSULAK-KA ESAN-NA 17:32

Dauk nafa'da Saul nae, “Ama Manek, ta paluu ita bii hataholi Filistin ndia fa! Au sadia basa, soaneu la'ban hataholi ndia.”

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”

SEMUEL SUSULAK-KA ESAN-NA 4:9

Mapalalani dalem-mala leon, hei hataholi Filistin-nala lemin! Matee-mata'ti sama leo touanak, te metema ta soona, neukose emi da'di hataholi Ibrani sila-la atan, sama leo makahulun-na, sila da'di emi atam. Hu ndia de, matee-mata'ti no napalanik!”