1 TAWARIKH 18:5 - Susula Malalaok Hehelu Palak Ma Hehelu Beuk

⁵ Hataholi Siria la leme Damsyik mai, ala haitua solda'du soaneu tulu-fali Manek Hadadezer a, tehu Dauk sengis, de ana taonisa hataholi lifun duahulu dua.

1 TAWARIKH 18:5 ပူးပေါင်းရင်းမြစ်များ

1 TAWARIKH 18:3

Basa boema Dauk sengi Hadadezer, fo manek nai Zoba fo deka no nusak Hamat a nai nusak Siria. Nai lelek ndia, Hadadezer bei nai leleo-lala'on na dalek soaneu ana koasan-na nusak fo manadeka no Lee Efrat a langan-na.

1 TAWARIKH 18:4

Dauk loso na kaleta musu lifun esa, ma ana foo nini solda'du manasa'e ndala lifun hitu, boema solda'du manala'o eik lifun duahulu. Ana fepa nala'di basa ndala la ein-nala de ana ela ka'da seli soaneu kaleta musu natun esa.

1 TAWARIKH 18:6

Basa boema napadedeik solda'du la uma ofun nala nai hataholi sila nusan dale de ala bae bea leo Dauk neu. Manetualain fe Dauk sesengik nai su'di bee boe fo natee-natati.

1 TAWARIKH 19:6

Boema Manek Hanun na ma hataholi Amon nala lame'da lae sila tatao-nono'in tao na Dauk musu no sila. Hu ndia de, ala haitua lilofulak kilo lifun teluhulu haa leo nusak Mesopotamia Lain neu, boema leo Maakha ma Zoba nai Siria soaneu ala se'ba kaleta musu lifun teluhulu dua ma solda'du manasa'e ndala la. Boema manek Maakha solda'du nala mai loo basa kaleta musu nanase'bak sila-la, de ala ofu deka loo Medeba. Hataholi Amon nala boeo ala mai leme basa sila kotan nala mai fo latee-latati.

MAZMUR 60:2

nai lelek natee-nata'ti no hataholi Aram-Mesopotamia, ma hataholi Aram-Zoba-la, ma nai lelek Yoab fali de ana sengi hataholi Edom 12.000 neme Bafak Asin-na.

SEMUEL SUSULAK-KA ESAN-NA 14:47

Saul da'di mane Israel-la boema, natee-nata'ti nai basa mamanak lala'en-na, fo la'ban Israel musun-nala, fo nde hataholi Moab, hataholi Amon, ma hataholi Edom, nusak Zoba manen-nala, ma hataholi Filistin-nala. Natee-nata'ti su'di nai bee boe, tehu ana sengi tataas esa.