1 TAWARIKH 18:4 - Susula Malalaok Hehelu Palak Ma Hehelu Beuk

⁴ Dauk loso na kaleta musu lifun esa, ma ana foo nini solda'du manasa'e ndala lifun hitu, boema solda'du manala'o eik lifun duahulu. Ana fepa nala'di basa ndala la ein-nala de ana ela ka'da seli soaneu kaleta musu natun esa.

1 TAWARIKH 18:4 ပူးပေါင်းရင်းမြစ်များ

KEJADIAN 49:6

Au ta tunga nai sila lalahalan-na dalek fa, ma boeo, ta nai sila nakabubuan-na dalek fa. Nana sila lanisa nai nasa-meluk-ka dalek, ala ke'di ketu meoasu ei uan-na hu kande namahoko-setelek-ka.

2 SEMUEL 8:4

Dauk foo neni solda'du manasa'e ndalan lifun esa natun hitu, ma solda'du manala'o eik, lifun duahulu. Ana ke'di ketu basa ndala-la, ei pipiin-nala, tehu ana ela ka'da ndala natun esa, fo ala hela nggalobak musu-la.

1RAJA-RAJA 10:26

Salomo solda'dun-na lanuu kaleta musu lifun esa natun haa, ma solda'du manasa'e ndala lifun sanahulu dua. Ana pe'da seli nai Yerusalem ma lena nala nai kota fe'ek-kala.

1RAJA-RAJA 4:2

Manaho'u paleta madema fo Salomo so'u kala nde ia la: Imam-imam: Zadok, Azarya fo Zadok anan-na, Abyatar. Hataholi manasulak susulak-ka nde: Elihoref ma Ahia fo Sisia anan-nala. Hataholi manape'da doi ka nde: Yosafat fo Ahilud anan-na. Malanga solda'du matuaina nde: Benaya fo Yoyada anan-na. Manamanea basa bupati la nde: Azarya, fo Natan anan-na. Manamanoli-mafa'da manek-ka nde: Imam Zabud, fo Natan anan-na. Uma manek-ka malanga uma loon-na nde: Ahisar. Malanga manamanea bela nusak-ka nde: Adoniram, fo Abda anan-na.

1 TAWARIKH 18:3

Basa boema Dauk sengi Hadadezer, fo manek nai Zoba fo deka no nusak Hamat a nai nusak Siria. Nai lelek ndia, Hadadezer bei nai leleo-lala'on na dalek soaneu ana koasan-na nusak fo manadeka no Lee Efrat a langan-na.

1 TAWARIKH 18:5

Hataholi Siria la leme Damsyik mai, ala haitua solda'du soaneu tulu-fali Manek Hadadezer a, tehu Dauk sengis, de ana taonisa hataholi lifun duahulu dua.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

ULANGAN 17:16

Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.

YOSUA 11:6

Manetualain nafa'da Yosua nae, “Boso bii hataholi sila. Balahaa, nai fain-na sama leo iak soona, o taomisa la'iesa kasa, hu kande Israel. Muse o tao la'di ndalan-nala ein-na, ma muse o hotu heni, kaleta musun-nala.”

YOSUA 11:9

Yosua tao hataholi sila-la, nandaa no Manetualain paletan-na so; ana tao la'di ndalan-nala ein-na, ma ana hotu heni kaleta musun-nala.