1 TAWARIKH 18:13 - Susula Malalaok Hehelu Palak Ma Hehelu Beuk

¹³ boema napadedeik solda'du la uma ofun-na la nai Edom lala'en-na. Boema hataholi Edom mala lakatele neu Manek Dauk ka. Manetualain fe sesengik neu Dauk nai su'di bee boe fo anan-natee-natati.

1 TAWARIKH 18:13 ပူးပေါင်းရင်းမြစ်များ

KEJADIAN 25:23

Manetualain nafa'dan nae, “Leoina dua nai o teim dale; neukose o bongi leoina dua, fo esa musu no esa; fa'dik-ka balakain-na lena neme ka'ak-ka mai, fo uluk-ka nalalau-naoono mate'a teisu'uk-ka.”

KEJADIAN 27:29

Sa'di leo been-na leoinak-kala da'di o atam, ma leoina leo nala lakatele neu o. Sa'di leo been-na o koasa basa o tolano ka'a-fa'dim-mala, ma o inam tititi-nonosin sene-do'ok nai o matam. Sa'di leo been-na nanasoo-supak neu basa hataholi fo ana soo-supa o, ma nanaba'e-palak neu basa hataholi fo ana ba'e-pala o.”

KEJADIAN 27:37

Isak nataa nae, “Au taon da'di o tuam-ma, ma Au tao basa tolanoo ka'a-fa'din-nala, da'di ndia atan-nala so. Au fe basan, gandum ma angol so. Besak ia, ta hapu hata-hata so'on, fo au bisa fe o, Anang-ngo!”

KEJADIAN 27:40

Neukose o so'dam-ma, neme o tafainam-ma mai, tehu o da'di ata, neu o fa'dim-ma, tehu, metema o lena-la'ban-nana soona, neukose o matapo'i neme koasan-na mai.”

1RAJA-RAJA 11:15

Nanahu makahulun-na, nai lelek Mane Dauk ka tao na Edom nakatele neun, boema Yoab, fo Mane Dauk ka malanga solda'du matuainan-na, neu leo Edom neu fo natoi-natono ndia hataholi manamate nala. Bulak nee dalen-na no solda'du anan-nala leo leme Edom. Ma nai lelek ndia, ala taolisa basa touk manai naa la.

1 TAWARIKH 18:12

Abisai (inan na'de Zeruya) ana sengi de ana taonisa hataholi Edom manai Bafak Asin na, hataholi lifun sanahulu falu,

1 TAWARIKH 18:14

Leondiak Dauk paleta basa Israel-lala'en-na, ma nanea fo ela ana tao laun na no malole ma tunga matetun-na.

1 TAWARIKH 18:6

Basa boema napadedeik solda'du la uma ofun nala nai hataholi sila nusan dale de ala bae bea leo Dauk neu. Manetualain fe Dauk sesengik nai su'di bee boe fo natee-natati.

MAZMUR 121:7

Neukose, Manetualain nasulu-nahapa o, neme susa-soe-a mai, Ana nanea o, fo ela o maso'da.

MAZMUR 144:10

O fe manek-kala sesengik, ma O soi-po'i O atam Dauk.

BILANGAN 24:18

Neukose musun-na, nangatuu-na dae Edom-ma, tehu Israel tao tatao-nono'i matuaina-la.

2 KORINTUS 11:32

Lelek au nai Damsyik-ka, gobelnol fo manakoasa nai ndia, fo ana paleta nai Mane Aretas paletan dae, nadenu solda'du manamanea kota ndia lelesu na, fo ala ho'u au.

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.

SEMUEL SUSULAK-KA ESAN-NA 13:3

Basa boema, Yonatan taonisa Filistin malanga solda'du matuainan manai Geba, de leoina Filistin-na lamanene la'eneu manada'dik ndia. Boema Saul nadenu hataholi-la puu pupuuk-ka nai nusak-ka lala'en-na, fo laloo hataholi Ibrani-la, fo ala tutulumatak soaneu latee-lata'ti.

SEMUEL SUSULAK-KA ESAN-NA 14:1

Nai faik esa boema, Yonatan nafa'da touanak manaho'u tee-tafa-na nae, “Aiou, mai teu leo hataholi Filistin-nala uma nanea-na nai selik eli!” Tehu ana la'o deak aman.

SEMUEL SUSULAK-KA ESAN-NA 18:14

Nakalala'ok basa bela-ba'un lala'en-na no malole, nana Manetualain tulu-falin.