1 TAWARIKH 18:11 - Susula Malalaok Hehelu Palak Ma Hehelu Beuk

¹¹ Manek Dauk ka fe basa bua palsen sila-la leo Manetualain neu fo pakes nai feta nakalupu-nakatela. Ana tao leondiak boe neu bua lilopilas ma lilofulak fo ana loso ninin neme Hadadezer ma ana sengi leoinak-kala fo nde: leoina Edom, Moab, Amon, Filistin ma Amalek.

1 TAWARIKH 18:11 ပူးပေါင်းရင်းမြစ်များ

1RAJA-RAJA 7:51

Mane Salomo naofo'a basa Manetualain Uman-na boema, ana pe'da basa lilofulak, lilopilas, ma bua-lo'a fe'ek fo aman Dauk fen neu Manetualain na, lai uma ndia gudang ngala dalek.

2RAJA-RAJA 12:18

Boema, Yoas haitua fe Hazael doik, fo boso neu sapu-na Yerusalem. Ana hapu doik sila-la, neme basa tutunu-hohotuk, fo makahulun-na Yoas, ma Yosafat, Yoram boema Ahazia, fo manek sila-la, ala paleta lakahuluk neme Yoas mai. Manek sila-la, ala fe basa doik sila neu Manetualain so. Yoas fe basa lilopilas manai kas, fo nai Manetualain Uman dale, ma manai manek-ka uma manen-na boe. Hu ndia de, Hazael ta da'di sapun-na Yerusalem fa.

1 TAWARIKH 18:10

Boema nadenu anamanen Yoram fo nanduku-nalosak ndia nate'a na neu Manek Dauk ka ma nafa'da so'da-molek neu Dauk sesengin sila-la, nanan-nasi'a Hadadezer natee-natati no Tou. Yoram neu leo Dauk no nei bua palsen lilopilas, lilofulak ma liti makadotok.

1 TAWARIKH 18:12

Abisai (inan na'de Zeruya) ana sengi de ana taonisa hataholi Edom manai Bafak Asin na, hataholi lifun sanahulu falu,

1 TAWARIKH 22:14

La'eneu Manetualain Uman ndia soona, au sanga enok te'e-te'e soaneu hapu lilopilas ton lifun telu natun haa, ma lilofulak ton lifun telu natun haa ma lenak. Fe'ek neme ndia mai, hapu liti ma besi fo ta hapu leke na dede'u nala fa. Ai ma batu boeo, au sadia basan so, tehu o muse popo-tama seluk kasa.

1 TAWARIKH 26:20

Hataholi fe'ek manai leo Lewi dalek, ala fes bela-ba'uk soaneu Manetualain Uman na hata-heton ma gudang fo mamana pepe'da tutunu-hohotuk neu Manetualain na.

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

2TAWARIKH 5:1

Manek Salomo nafofo'a basa Manetualain Uman ndia boema, ana pe'da basa lilofulak, lilopilas, ma bua-lo'a fe'e-fe'ek fo aman Dauk fe basan neu Manetualain-na lai Uman ndia gudang-ngala dalek.

KELUARAN 35:5

Meni fe Manetualain tutunu-hohotuk. See fo dalen-na nakababale soona, muse ana tunu-hotu lilopilas, lilofulak ma liti,

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

YOSUA 6:19

Muse pe'da hehelik basa bua lilofulak, lilopilas, liti, ma besi, soaneu Manetualain pe'das lai mamana pepe'da Manetualain hata-heton-na dalek.”

YOSUA 6:24

Basa boema, solda'du Israel-la, hotu heni kota ndia, no basa hata manai dalek-kala lala'en-na, ela ka'da bua-lo'a lilopilas, lilofulak, liti ma besi. Ala ho'i-la bua-lo'as sila-la, de lenis leo mamana pepe'da Manetualain hata-heton neu.

SEMUEL SUSULAK-KA ESAN-NA 30:13

Basa boema, Dauk natanen nae, “O tuam-ma nde see, ma o meme bee mai?” Ni'iana ndia nataa nae, “Au hataholi Masir, fo hataholi Amalek esa, atan au. Au tuang-nga la'oela au ndek faik telu maneuk-ka so, nanahu au amahe'di.

SEMUEL SUSULAK-KA ESAN-NA 30:20

Fe'ek neme ndia mai, Dauk boeo, ana kalo neni la'iesak bi'ilopo-la ma bana-manu. Dauk solda'dun-nala foo bana sila-la lai uluk te ta lakabubua loo bua-lo'a kakalo fe'ek-kala fa, boema lafa'da lae, “Dauk baba'en-na nde ia!”