1 TAWARIKH 17:5 - Susula Malalaok Hehelu Palak Ma Hehelu Beuk

⁵ Lelek Au se'i-po'i nggileo-bobongik Israel la neme Masir mai, losa besak ia, Au beita leo ita nai uma esa dalek boen. Au aleu-alaak tataasesa ma Au leo nai pandopo esa dalek.

1 TAWARIKH 17:5 ပူးပေါင်းရင်းမြစ်များ

2 SEMUEL 6:17

Peti Hehelu-balataak ndia, nanape'dak nai mamanan-na, nai Dauk tao fe Peti ndia lalaa temak-ka dalek. Basa boema, Dauk tunu-hotu fe Manetualain tutunu-hohotu nanatunuk, ma tutunu-hohotu mole-dame.

2 SEMUEL 7:6

Mulai neme, Au soi-po'i leoina Israel-la neme Masir mai, losa besak ia, Au beita leo ita nai uma esa dalek boen, ka'da au aleu-alak ma leonai lalaa temak esa dalek.

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

1RAJA-RAJA 8:4

de ala lenin leo Manetualain Uman-na neu. Basa imam ma hataholi Lewi-la laliheok Manetualain Lalaa teman-na ma basa bua-lo'an lala'en-na leo Manetualain Uman-na neu boe.

2TAWARIKH 2:6

Tehu tunga ndoon-na ta hapu hataholi esa boen hapu napadedeik uma ba'eneu Manetualain nana basa daebafa maloa lala'en-na ta matua soaneu da'di mamana leleon-na fa. Da'di, Manetualain Uman fo hapu apapdedeik-kana ndia, bole-bole ana da'di ka'da mamanak soaneu tunu boomenik ba'eneu Manetualain!

2TAWARIKH 6:18

Tehu, ou Manetualain, tete'ek-ka O nau leo nai daebafak ia fo nai hataholi daebafak-ka tala'da do? Basa lalai-a lala'en-na boeo, loloan-na ta dai soaneu O fa, mudahata no uma mamaso-kakasi fo au afofo'ak ia bai!