1 TAWARIKH 17:24 - Susula Malalaok Hehelu Palak Ma Hehelu Beuk

²⁴ Su'di nai bee boe, neukose hataholi a namatutua-namadedema O na'dem ma tataasesa ma nafa'da nae, ‘Manetualain Fo Manakoasa, ndia nde Manetualain neu Israel.’ Soaneu losa dodoona, hataholi esa neme au tititi-nonosing mai, neukose ana paleta da'di leo manek.

1 TAWARIKH 17:24 ပူးပေါင်းရင်းမြစ်များ

1 TAWARIKH 17:23

Besak ia, ou Amak Manetualain, sa'di leo bee na tao matea-mahele O hehelu-balataam fo O kokolak kana la'eneu au aoinang nga ma au tititi-nonosing. Sa'di leo bee na tao matetu hata fo O helu basak ndia so.

1 TAWARIKH 17:25

Au apalalani ao soaneu so'uk huhule-haladoik ia neu O, ou Manetualain, nana O mesa ma nde mafa'da basa neu au mae au upu anang neme bobongik leo bobongik neu, neukose O taos da'di manek neu nggileo-bobongik ia.

2TAWARIKH 6:33

ela leo been-na neme O mamana leleom manai nusa so'dak-ka mamanene huhule-haladoin ma sipok nonoken-na. No enok ndia, basa leoina manai daebafak-ka lala'en-na lalelak O ma ala tunga neu O sama leo O anam Israel. Neukose ala bubuluk lae uma fo au afofo'ak ia nde mamanak soaneu makaluku-makatele neu O.

MAZMUR 21:13

Neukose ana kou kokou isin-na, nalosa ala lepos lasafali, fo lalai.

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

YEREMIA 38:17

Boema au afa'da neu Zedekia ae Manetualain Fo Manakoasa, Manetualain fo nanasene-do'ok neme hataholi Israel-lala nafa'da nae leo ia, “Metema o sene-do'ok neu manek Babel-la mauli-malangan-nala soona, neukose o nanatao nisa tak, ma neukose kota ia boeo nanahotu-heni tak. O mo o uma isim-mala boeo neukose maso'da.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

YOHANIS 12:28

Ama, O na'de ma nananamatutua-namadedemak!” Boema namanene halak esa neme lalai mai de nafa'dan nae, “Au amatutua-amadedema basan so, ma neukose Au amatutua-amadedema selu kana.”

YOHANIS 17:1

Yesus kokolak basa nae leondia boema, nanganalo leo lalai neu de nae, “Amak, besak ia fai na losa so. De mamatutua-mamadedema O Ana ma leona, fo ela O Ana ma boeo, namatutua-namadedema Ama ka.

FILIPI 2:11

Basa-basas lala'ena, neukose ala manaku lae, Yesus Kristus nde Lamatua ka; no enok ndia Amak Manetualain nanakoa-kiok.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

IBRANI 8:10

Tehu besak ia, ia nde hehelu-balataak fo neukose Au taon no leoina Israe la nai fai-fai manamai ka, Manetualain nafa'da nae: Neukose Au tao Au hoholo-lalaneng neu dudu'a-aafi nala dalek, ma Au sula kana neu dale nala dalek. Neukose Au da'di sila Manetualai na, ma neukose sila da'di Au hataholi kamahehele ngala.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.