1 TAWARIKH 17:23 - Susula Malalaok Hehelu Palak Ma Hehelu Beuk

²³ Besak ia, ou Amak Manetualain, sa'di leo bee na tao matea-mahele O hehelu-balataam fo O kokolak kana la'eneu au aoinang nga ma au tititi-nonosing. Sa'di leo bee na tao matetu hata fo O helu basak ndia so.

1 TAWARIKH 17:23 ပူးပေါင်းရင်းမြစ်များ

KEJADIAN 32:12

Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”

1 TAWARIKH 17:22

O tao nggileo-bobongik Israel la da'di O ana mesam losa dodoo na. Ma O, ou Manetualain, O da'di sila Manetualain.

1 TAWARIKH 17:24

Su'di nai bee boe, neukose hataholi a namatutua-namadedema O na'dem ma tataasesa ma nafa'da nae, ‘Manetualain Fo Manakoasa, ndia nde Manetualain neu Israel.’ Soaneu losa dodoona, hataholi esa neme au tititi-nonosing mai, neukose ana paleta da'di leo manek.

1 TAWARIKH 28:4

Amak, Manetualain, fo Israel sene-do'ok-ka, hele basa au ma au tititi-nonosing soaneu paleta Israel losa dodoon-na. Soaneu sadia mauli-malangan esa, boema Ana hele leo Yehuda, de neme leo ndia mai de Ana hele au amang teidalen-na. Ma neme basa au amang teidalen sila-la mai, Ana nau hele au, de Ana tao au da'di manek neu basa Israel-lala'en-na.

2TAWARIKH 1:9

Besak ia ou Manetualain ela leo bee na O tao matetu O hehelu-balataam neu au amang. O so'u basa au da'di manek neu leoina matuaina fo ta leke na dede'un-na ia fa.

MAZMUR 119:49

Mafandendelek O hehelum-ma, neu O atam ia, heheluk fo, manafe namahehenak neu au-a.

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

LUKAS 1:38

Boema Maria nae, “Au ia Manetualain atan; neme na fo ana da'di tunga hata fo o mafa'da ka.” Boema ata nusa so'dak ndia la'oela Maria.