1 TAWARIKH 17:21 - Susula Malalaok Hehelu Palak Ma Hehelu Beuk

²¹ Nai basa daebafak ka lala'ena, ta hapu nggileo-bobongik sama leo Israel fa. Israel nde bee na nggileo-bobongik esa mesa-mesa kana fo O soi-po'in neme da'di ata mai, soaneu da'di O ana mesa ma. Basa tatao-nono'i matuaina ma manada'di beuk fo O taon ba'eneus, ana tao na O na'de ma nananita-nalelak nai basa daebafak ka lala'ena. O soi-po'i O anam mala leme Masir mai, ma O si'uheni nggileo-bobongik fe'ek kala nai lelek O anam mala tutulumatak fo latee-latati.

1 TAWARIKH 17:21 ပူးပေါင်းရင်းမြစ်များ

1 TAWARIKH 17:20

Ka'da O nde Manetualain, ta hapu hata esa boen fo sama no O fa. Ami bubuluk dede'ak ndia, nana nananafa'da basak neme makahulun eli mai so.

1 TAWARIKH 17:22

O tao nggileo-bobongik Israel la da'di O ana mesam losa dodoo na. Ma O, ou Manetualain, O da'di sila Manetualain.

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

MAZMUR 107:2

Mafa'da dede'ak ndia la'i ba'uk-ka, hai emi fo, nanasoi-tefa basak, neme susa dalek mai so.

MAZMUR 111:9

Ana soi-po'i anan-nala, de Ana tao hehelu-balataak manaketu-basa tak nos. Ndia nde Manetualain fo malalao-malalafuk, ma makadelek!

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 77:15

O nde Manetualain, fo manatao manada'di beuk-kala, O mafa'da basa O koasam-ma, nai leoina-la, tala'da so.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

YESAYA 48:9

Au akatatakak Au nasa-melung, fo ela Au na'deng-nga nanakoa-kiok. Au akatatakak-kana, ba'eneu o, fo ela, o ta nanatao namate-namopok fa.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YESAYA 64:3

O tao hai, tatao-nono'i matuaina, fo ami ta dudu'a-dodoo mita fan. O kona mai, de letek-kala langgengo nai O matam-ma.

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 4:7

Leoina matuaina beek-kande, nanuu lamatua daebafak fo metema paluun soona, ana deka nanseli, sama leo ita Manetualain-na Ana deka no ita? Metema ita taloo bou-bou toke tutulu-fafalik soona, nataa ita, su'di neu fai beek ndia boe.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.