1 TAWARIKH 17:16 - Susula Malalaok Hehelu Palak Ma Hehelu Beuk

¹⁶ Boema Dauk masok leo Manetualain Pandopon dale neu. Ana nangatuuk de ana hule-haladoi nae, “Ou Amak Manetualain, au ma au teidaleng ngala ta mandaa sipo basa dale malole fo O matu'dun neu au basa ia.

1 TAWARIKH 17:16 ပူးပေါင်းရင်းမြစ်များ

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

2 SEMUEL 7:18

Boema, Mane Dauk-ka neu leo Manetualain Lalaa Teman dale neu. Boema nangatuuk, de ana hule-haladoi nae, “Ou Manetualain Fo Manai Mamana Madema, au ma au teidaleng-ngala, ta mandaa sipo basa malole lala'en, fo dodoo basa ia, O matu'dun neu au.

2RAJA-RAJA 19:14

Hizkia sipon-na susulak ndia neme hataholi nadedenun-nala mai boema, ana lees-sana. Basa boema, neu leo Manetualain Uman neu, de nakapepela susulak ndia neu Manetualain matan-na,

1 TAWARIKH 17:15

Natan nafa'da Dauk basa hata fo Manetualain nafa'da neun.

1 TAWARIKH 17:17

Nakalenak O tao lena neme ndia mai; O tao basa hehelu-balataak la'eneu au tititi-nonosing soaneu le'do fai manamaik ka. Lena-lenak O tao au da'di leo hataholi matua-madema esa.

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

2TAWARIKH 1:8

Salomo nata nae, “Ou Manetualain, O matu'du basa mae O sue-lai-ma au amang ba'un-na seli, de O so'u au da'di manek fo nggatin.

MAZMUR 144:3

Manetualain, hataholi daebafak-ka, beek ndia, nalosa O taoafik neun? See ndia de O mete-makanaen?

HATAHOLI 26:22

Tehu losa hatematak ia, Manetualain nasulu-nahapa au de nalosa au hapu apadeik nai ia, fo au fe sakasii neu basa hataholi la, nau ana do matua boe. Hata fo au kokolak ia, ta fe'ek neme hata fo Nabi la ma Musa lafa'da ela ka fa;

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

HAKIM-HAKIM 6:15

Gideon nataa nae, “Manetualain, tao le'e de, au? Masa bole, au soi-po'i hataholi Israel-la leme hataholi Midian-nala koasan-na mai. Nai leo Manasye dalek, au leo-ingug-nga nde tapandoe nanseli-a. Ma nai au teidaleng-nga dalek boeo, au nde sosoa-ndandaa tak nanseli.”

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”

SEMUEL SUSULAK-KA ESAN-NA 9:21

Boema, Saul nataa nae, “Au ia, da'di eme leo Benyamin-na mai, fo leoanak nanseli nai Israel, ma bai te, au teidaleng-nga, nanaleke taak nai leo ndia dalek. Da'di, tao le'e de, Ama mafa'da au mae leodia?”