1 TAWARIKH 17:11 - Susula Malalaok Hehelu Palak Ma Hehelu Beuk

^11-12 Makabui na, metema o fai mamate ma losa, ma o nananatoik nai o bei-ba'i kaim late mamanan na soona, neukose Au so'u o anamanem esa da'di manek. Neukose ndia nde napadedeik uma ba'eneu Au. Neukose Au tao atea-ahele nusan na, ma hataholi esa neme tititi-nonosin mai, neukose ana paleta da'di leo manek losa dodoo na.

1 TAWARIKH 17:11 ပူးပေါင်းရင်းမြစ်များ

KEJADIAN 15:15

Neukose, o nde hapu teu manalua; neukose o mate no nee-nee lino-linok, boema nananatoi-natonok.

1RAJA-RAJA 1:21

Metema Ama Manek ta fe nakeketuk ndia fa soona, tao leo bee o mate basa Ama Manek tutika, au ma au ana mane nga neukose ala tao ami da'di hataholi mangalauk.”

1RAJA-RAJA 2:10

Basa boema mate Dauk de latoin nai Kota Dauk ka.

1RAJA-RAJA 8:19

Tehu, ta o fa, te o ana ma nde neukose nafofo'a Au Umang ndia dei.’

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

1 TAWARIKH 28:5

Ana fe au anak makadotok, de neme basa au anang sila-la mai, Ana hele Salomo soaneu paleta Israel, fo Manetualain nusan-na.

1 TAWARIKH 29:15

O bubuluk ou Manetualain, mae sama leo basa ami bei-ba'i kaim-mala, ami boeo nai ami so'dam ia dalek da'di leo hataholi manamai ma hataholi nusa dea. Ami so'dam-ma sama leo salaok fo manasapu-lalok-ka, ma ami ta hapu matapo'i meme mamates-sa mai fa.

1 TAWARIKH 29:28

Ana namasu'i ma nanafe ha'da-holomata de maten nai fai lasin dale. Anamanen Salomo nggatin da'di manek.

2TAWARIKH 6:9

Tehu ta o fa, te o anam-ma nde neukose nafofo'a Au umang ndia.’

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

MAZMUR 89:5

‘Au akataka ahele o kandela manem-ma, losa dodoon-na, o upu-anam, neme bobongik leo bobongik neu, neukose langatuu o kandela manem-ma.’ ”

YEREMIA 33:17

Au, Manetualain, hule ae, meten te neukose hapu hataholi esa neme Dauk tititi-nonosin-na fo ana da'di Israel manen-na;

HATAHOLI 13:36

Dauk tao nakababasak hata fo Manetualain fen tao-no'in, boema maten de latoi lakabubuan no bei ba'ikai nala so boe. Popola na, noeheni la'iesa kana so boe.

HATAHOLI 2:29

Tolano-tolanoo ngala lemin! Fe au loak faa anak, fo au kokolak no mangale'dok la'eneu Dauk fo ita ba'ikain ndia. Ita ba'ikain ndia maten, de latoi-henin so; de late na bei hapun losa besak ia.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.