1 TAWARIKH 16:43 - Susula Malalaok Hehelu Palak Ma Hehelu Beuk

⁴³ Basa boema basa hataholi-la fali leo esa-esak uman neu. Leondiak boe Dauk, ana fali neu donge teidalen-nala.

1 TAWARIKH 16:43 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

1RAJA-RAJA 8:66

Neu faik-ka falu na boema, Salomo nadenu hataholi sila-la fali le'us. Hataholi sila-la basa-basas koa-kion boema ala fali leo sila uman no dalen-nala lamahoko, nanahu basa baba'e-papalak fo Manetualain fe basan neu atan Dauk ma neu leoina Israel fo anan-nala.

1 TAWARIKH 17:1

Manek Dauk ka leo nahele nai uma manen na boema, nai faik esa boema naloo Nabi Natan na de nafa'dan nae, “Mitak, au ia, au leo nai uma manek fo nanataok neme ai kaiou Libanon na mai, tehu Manetualain Peti Hehelu-balataan pe'dan ka'da nai pandopo dale!”

MAZMUR 101:2

Au nau taoafik neu, maso'dak fo bu'u-ba'e tak-ka, eno-dalan. Faihi'da, O mai leo au mai? Au nau aso'da no malalao-malalafuk nai au umang,

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”