1 TAWARIKH 16:40 - Susula Malalaok Hehelu Palak Ma Hehelu Beuk

⁴⁰ Tunga-tunga fafai le'donoson ala muse fe tutunu-hohotuk nanatunuk nai mei tunu-hotuk lain nandaa no hoholo-lalanek fo Manetualain fen neu hataholi Israel-la

1 TAWARIKH 16:40 ပူးပေါင်းရင်းမြစ်များ

1RAJA-RAJA 18:29

Ala tao leondiak nakandondoo henin losa le'donoso, sama leo hataholi nitu sa'e ka. Tehu ta hapu manamataak, ma ta hapu manataoafik fa.

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

2TAWARIKH 31:3

Manek-ka ho'u ndia bana-manun de ana fe tutulu-fafalik bana fo nanapaluuk soaneu tutunu-hohotu nanatunuk tunga-tunga fafain-na ma le'donoso-na. Ma soaneu tutunu-hohotuk fo tunu-hotun nai fai Sabat-ta, nai feta bula beu-ka, ma nai feta fe'e-fe'e-kala sama leo nananaketuk nai Manetualain hoholo-lalanen dale.

EZRA 3:3

Leomae ala bii nusak ndia laun-nala, tehu lafofo'a mei tunu-hotuk ndia neu mamana makasososan-na boe. Boema, ala mulai fe seluk tutunu-hohotuk nanatunuk, nai fai fafain-na ma le'donoson-na.

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

IMAMAT 9:17

Basa ndia boema, ana tunu-hotu tutunu-hohotu nana'ak-ka; ana ho'i-na ha'desopuk nafanggetek esa, de ana tunun nai mei tunu-hotuk lain. Ndia nde been-na, tatamak neu tutunu-hohotu nanatunuk tunga faik-ka.

AMOS 4:4

Manetualain Fo Mademaina nafa'da nae, “Hai hataholi Israel-la lemin! Ka'da meu leo uma mamasok manai Betel-la meu, fo tao sala-singok nai ndia. Meu leo Gilgal meu leona, fo tao sala-singok su'di bebe'ik-ka. Bole tunu-hotu tutunu-hohotuk tunga-tunga fafain-na, fo faik telu na, fe emi hahapu-dadaim baba'ek 10 soona, fe baba'ek esa!