1 TAWARIKH 16:39 - Susula Malalaok Hehelu Palak Ma Hehelu Beuk

³⁹ Tehu Zadok ma imam fe'ek kala hapu bela-ba'uk soaneu ala ito-ato lahele makaluku-makatele a nai mamanak makaluku-makatele nai Gibeon.

1 TAWARIKH 16:39 ပူးပေါင်းရင်းမြစ်များ

1RAJA-RAJA 1:8

Tehu Imam Zadok, Benaya fo Yoyada anan-na, Nabi Natan, Simei, Rei ma Mane Dauk ka hataholi manamanean-nana, ta look Adonia fa.

1RAJA-RAJA 3:4

Mamana huhule-haladoik fo nananita-nalelak nanseli a nai Gibeon. Nasi'a Salomo fe tutunu-hohotuk makadotok nai naa. Nai faik esa, fo sama leo mandoofai a, neu seluk leo naa neu.

1 TAWARIKH 15:11

Boema Dauk naloo Imam Zadok ka ma imam Abyatar a boema hataholi Lewi ka neek sila-la, fo nde: Uriel, Asaya, Yoel, Semaya, Eliel ma Aminadab.

1 TAWARIKH 21:29

Nai lelek ndia, Manetualain Lalaa Temak fo Musa taon neme moo maloa, ma mei tunu-hotuk soaneu tutunu-hohotuk nanatunuk ka, bei hapus lai mamana makaluku-makatele manai Gibeon na.

2TAWARIKH 1:13

Basa ndia boema, Salomo la'oela mamana makaluku-makatele manai Gibeon-na, nai bee hapu Manetualain Lalaa Temak-na, boema ana fali leo Yerusalem neu.