1 TAWARIKH 16:38 - Susula Malalaok Hehelu Palak Ma Hehelu Beuk

³⁸ ala hapu tulu-falik neme Obed-Edom fo Yedutun anan na, boema hataholi fe'ek neehulu falu fo sila bei teidale-bobogik esa. Obed-Edom ma Hosa nde been-na manamanea lelesuina.

1 TAWARIKH 16:38 ပူးပေါင်းရင်းမြစ်များ

2 SEMUEL 6:10

Hu ndia de, ana ta nau neni Peti Hehelu-balataak ndia, leo Yerusalem neu so'on, de ana pe'dan neme Obed-Edom, fo hataholi Gat ndia, uman.

2RAJA-RAJA 7:10

Hu ndia de, ala fali le'us leo Samaria leu, de laloo beebou neu manamanea kota lelesuinan-na lae, “Ami meu leo hataholi Siria-la, uma ofun-na meu so, de se'kona, hataholi ta naa. Ami mita ndalan-nala, ma keledein-nala bei nanapa'ak lai mamanan-nala, ma ala la'oela uma ofun-nala leondiak mesan.”

1 TAWARIKH 13:14

Peti ndia nahele neme ndia, bulak telu dalen-na, de Manetualain fe baba'e-papalak neu Obed-Edom teidalen-nala ma basa hata-heton lala'en-na.

1 TAWARIKH 25:3

Yedutun anatoun nee, fo nde: Gedalya, Zeri, Yesaya, Simei, Hasabya ma Matica. Sila mauli-malangan nde sila aman, fo landuku-lalosak hala-heheluk neme Manetualain mai nenik musik kecapi, ma lakamee nakamee kokoa-kikiok boema loke makasi neu Manetualain.

1 TAWARIKH 26:10

Neme teidale-bobongik Merari latu'du Hosa. Anatoun haa, fo nde: Simri (ana uluk ka ta nde ndia fa, tehu aman so'un da'di mauli-malangan),