1 TAWARIKH 16:34 - Susula Malalaok Hehelu Palak Ma Hehelu Beuk

³⁴ Moke makasi neu Manetualain, nana Ndia malole; susue-lalain manaketu-basa taak.

1 TAWARIKH 16:34 ပူးပေါင်းရင်းမြစ်များ

1 TAWARIKH 16:33

Ai manai nula dale la neukose hika-latadale nana Manetualain mai soaneu Anapaleta nai daebafak ka.

1 TAWARIKH 16:41

Imam Zadok ma imam-imam sila-la hapu tulu-falik neme Heman ma Yedutun boema hataholi fe'ek fo nanahele hehelik soaneu lakamee kokoa-kikiok ba'eneu Manetualain nanahu susue-lalain fo manaketu-basa taa ka.

2TAWARIKH 20:21

Nakokolaok basa no laun-na boema, manek-ka nadenu manamakameek-kala pake papake-ngganggaok matak esa fo biasan-na ala paken nai agama feta hehelik-nala dalek. Manamakameek sila-la muse lapadeik lakadadalak no malole-na nai solda'du-la dalak manai uluk-ka, boema lakamee, “Koa-kio Manetualain leona! Susue-lalain manaketu basa taak losa dodoon-na!”

2TAWARIKH 7:3

Lelek laun Israel-la lita ha'i-a kona neme lalai mai ma Manetualain mai de mangale'do-na henu Manetualain Uman-na boema, ala bala leu lante lain boema ala sene-do'ok ma ala koa-kio Manetualain, nanahu Manetualain malole ma susue-lalain manaketu basa taak losa dodoon-na.

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

MAZMUR 105:1

Moke makasi neu Manetualain, tui-benga matua-mademan, tui tatao-nono'in neu leoina-la.

MAZMUR 106:1

Moke makasi neu Manetualain, nana Manetualain malole; susue-lalain manaketu-basa tak, losa dodoon-na.

MAZMUR 107:1

“Moke makasi neu Manetualain, nana Ndia malole, susue-lalain manaketu-basa tak, neme doon losa dodoon-na.”

MAZMUR 118:1

Moke makasi neu Manetualain, nana Ndia malole, ma susue-lalain manaketu-basa tak, losa dodoon-na.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”