1 TAWARIKH 16:29 - Susula Malalaok Hehelu Palak Ma Hehelu Beuk

²⁹ Koa-kio na'den fo mandela-masa'ak, ma meni tutunu-hohotuk leo uman dale neu. Sene-do'ok Manetualain no pake bua papake makaluku-makatele!

1 TAWARIKH 16:29 ပူးပေါင်းရင်းမြစ်များ

1 TAWARIKH 16:28

Koa-kio Manetualain leon, hai hataholi daebafak kala lemin! Koa-kio matua-mademan ma be'i-balakain.

1 TAWARIKH 16:30

Dele ngge'be-ngge'be nai matan na, hai basa daebafak ka lala'en-na! Daebafak ka mateaina de ta nanggengo fa.

2TAWARIKH 20:21

Nakokolaok basa no laun-na boema, manek-ka nadenu manamakameek-kala pake papake-ngganggaok matak esa fo biasan-na ala paken nai agama feta hehelik-nala dalek. Manamakameek sila-la muse lapadeik lakadadalak no malole-na nai solda'du-la dalak manai uluk-ka, boema lakamee, “Koa-kio Manetualain leona! Susue-lalain manaketu basa taak losa dodoon-na!”

MAZMUR 100:4

Masok tunga lelesuinan-na nenik nakamee makasi, leo Uman-na so'dan-na, nenik kokoa-kikiok. Moke makasi neun, ma koa-kion leona!

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 29:1

Dauk kokoa-kikion-na. Koa-kio Manetualain leona, hai mahahaek nusa so'dak-kala lemin, koa-kio matua-mademan ma koasan-na.

MAZMUR 29:2

Koa-kio Manetualain na'de mandela-masa'an, sene-do'ok-kana nenik pake papake-ngganggao masene-do'ok.

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

MAZMUR 72:15

So'da-molek ba'eneu ama manek! Ela leo been-na, tunu-hotu fen lilopilas neme Arab mai, Ela leo been-na, nanahule-haladoik tunga faik, ma nanaba'e-palak tataas esa.

MAZMUR 95:2

Mai fo, ata teu leo matan-na teu, nenik nakamee makasi, eeki-tatadale ba'eneun, nenik nakamee kokoa-kikiok.

MAZMUR 96:6

Matua-madema ma mandela-ma'ak-ka, poti nalan, koasa ma lole-napuk henu Uman-na.

MAZMUR 96:7

Koa-kio Manetualain, hai hataholi daebafak-kala lemin, koa-kio matua-mademan, ma be'i-balakain-na!

MAZMUR 96:9

Sene-do'ok neu Manetualain nenik pake papake-ngganggao nakaluku-nakatele! Dele ngge'be-ngge'be nai matan-na, hai basa daebafak-ka lala'ena lemin!

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

YESKIAL 24:25

Manetualain nafa'da au nae, “Nah, hataholi daebafak fo, manasapu-manalalok-konei, Au Umang fo matea-mahelek ndia, fo ana tao-na sila dalen-nala lamatua ma lamahoko, ma ala meten fo leu donge-daman no dale namahokok-ka, neukose Au ho'i-an neme sila mai. Boema, neukose Au ho'i-a sila anan-nala boe.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

NINITAK 7:12

Lalo lae, “Amin! Kokoa-kikiok neu ita Aman Manetualain, fo matua-madema ma manatee tenok. Ndia nandaa sipo basa huhule-haladoi makasi, ma ha'da-holomata. Ndia manakoasa ma be'i balakaik, losa dodoo na! Amin.”

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.