1 TAWARIKH 16:10 - Susula Malalaok Hehelu Palak Ma Hehelu Beuk

¹⁰ Ndia nde Manetualain Fo Kisak; mamahoko-stelee leona, nana Ndia nuun ita; basa manasene-do'ok kana ela leo been-na mamahko-setelee.

1 TAWARIKH 16:10 ပူးပေါင်းရင်းမြစ်များ

1 TAWARIKH 16:11

Moke be'i-balakaik neme Ndia mai, sene-do'ok neun tunga faik.

1 TAWARIKH 16:9

Makamee kokoa-kikiok ba'eneu Manetualain, tui-benga basa tatao-nono'in lala'en fo dodoo doak kana.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 15:15

Basa laun Yehuda lala'en-na lamahoko-setelee nanahu ala soo-supa no dale katematuak. Ala lamahoko makaluku-makatele neu Manetualain, ma Manetualain boeo nau sipok-kasa. Ana fes so'da-molek nai sila nusan-na.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 34:2

Au sanga oke makasi neu Manetualain su'di faik, ma au ta hahae koa-kio fan.

MAZMUR 34:3

Au sanga tao amatutua au daleng-nga, nanahu Manetualain tatao-nono'in; ela leo been-na, hataholi nanatuni-ndenik-ka namanenen fo namahoko-setelee.

AMSAL 8:17

Au sue lai sila fo lahik neu au; manasanga au-a, neukose latongo lo au.

YESAYA 45:19

Au ta kokolak no nafufunik, do no bibila-babaak fa. Au ta adenu Au anang Israel sanga Au no palsuma fa. Au Manetualain, kokolak hata fo ndoos, ma afa'da hata fo la'en.”

YESAYA 45:25

Tehu, Yakob tititi-nonosin, neukose nanasoi-tefak, ma neukose ala koa-kio Au, fo Manetualain.

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.