1 TAWARIKH 15:28 - Susula Malalaok Hehelu Palak Ma Hehelu Beuk

²⁸ Basa hataholi Israel-la lala'en-na leu tunga Peti Hehelu-balataak ndia losa Yerusalem no ala eki kao-kao ma pupuu liik, nafiri, simbal ma kecapi.

1 TAWARIKH 15:28 ပူးပေါင်းရင်းမြစ်များ

2 SEMUEL 6:15

Enon-na leondiak, Dauk no basa laun Israel-la lala'en-na, ala lali heok Peti Hehelu-balataak ndia, leo Yerusalem neu, no eeki-natadalek ma pupuu liik.

2 SEMUEL 6:5

Dauk ma basa leoina Israel-la lala'en-na, ala la'ok nai Peti ndia uluk, boema ala foti-longe su'di bebe'ik, ma lakamee, fo ala fe ha'da-holomata neu Manetualain. Lakaminak kecapi, gambus, rebana, kelentingan, ma simbal.

1 TAWARIKH 13:8

tehu Dauk ma basa laun Israel-la lala'en-na foti-longe ma lakamee no namahokok nanseli, lakaminak kecapi, rebana, simbal ma pupuuk soaneu fe ha'da-holomata neu Manetualain.

1 TAWARIKH 15:16

Dauk boeo nadenu basa mauli-malangan hataholi Lewi sila-la, fo ela ala fe paleta neu hataholi de'ubee leme sila leo na mai fo lakamee ma lakaminak kecapi ma simbal nenik kokoa-kikiok.

1 TAWARIKH 15:27

Nai lelek ndia Dauk pake ba'du manalu aba lutu, leondiak boe basa manamakaminak sasanu la, ma Kenanya fo sila mauli-malangan-na, boema hataholi Lewi fo manandolo Peti Hehelu-balataak Dauk pake ba'du efod.

1 TAWARIKH 15:29

Lelek Peti ndia lenin leo kota dale neu boema, Mikhal, fo Saul anafe'on-na titino neme jendela mai de nita Manek Dauk ka foti-longe boema namahoko-setelee. Boema Mikhal mete Dauk soona ana maluan.

1 TAWARIKH 25:1

Soeneu manamauli-malanga feta makaluku-makatele a, Manek Dauk ka ma basa hataholi Lewi la mauli-malangan-nala hele Lewi teidale-bobongin nala nde ia: Asaf, Heman ma Yedutun. Sila bela-ba'un nde soaneu landuku-lalosak hala heheluk neme Manetualain mai nenik musik kecapi, gambus ma simbal. Soaneu manamauli-malanga makaluku-makatele no esa-esak fetan na, hataholi nanahelek kala nde ia:

NEHEMIA 12:27

Lelek lakatema kota Yerusalem-ma papala nanadaman-na, laloo hataholi Lewi-la leme basa sila mamana leleon lala'en-na mai, fo ela ala tunga tao makaseek nai feta ndia nenik nakamee makasi, ma nenik sasanu, gambus ma kecapi.

MAZMUR 47:6

Manetualain sa'e kandela manen-na so, de eeki-natadalek ma pupuu liik-kala tungan.

MAZMUR 68:25

Basa-basas lita O sesengim-ma, ou Manetualain, Hataholi-la beenongo, fo loo au Manetualaing-nga, au Maneng-nga leo mamana leleon-na neu.