1 TAWARIKH 15:25 - Susula Malalaok Hehelu Palak Ma Hehelu Beuk

²⁵ Boema Dauk sama-sama no mauli-malangan Israel-la ma malanga solda'du matuaina la leu leo Obed-Edom uman leu fo ho'ileni Peti Hehelu-balataak ndia no feta matuaina.

1 TAWARIKH 15:25 ပူးပေါင်းရင်းမြစ်များ

1RAJA-RAJA 8:1

Basa ndia boema Mane Salomo naloo lasi-lasi leo-la ma teidale-bobongik lala'en-na leme Israel mai fo latongo loon nai Yerusalem, fo ala laliheok Manetualain Peti Hehelu-balataan neme Sion, kota Dauk, leo Manetualain Uman neu.

2TAWARIKH 1:4

Tehu Manetualain Peti Hehelu-balataan nai Yerusalem nai Manek Dauk-ka tao pandopo dalek, fo nai lelek ana lalihenin neme Kiryat-Yearim mai.)

2TAWARIKH 5:2

Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

EZRA 6:16

Basa boema, no namahokok, hataholi Israel-la, hataholi Lewi-la, ma basa hataholi nanafoo haik-kala, lakatema Manetualain Uman ndia.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

BILANGAN 31:14

Musa namanasa basa malanga solda'du manai lain-nala, ma basa malanga solda'du-la, ma malanga solda'du manai dae, fo besak-ka ala fali ma'is leme natee-natatik dale mai.

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 16:15

Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

SEMUEL SUSULAK-KA ESAN-NA 10:19

Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 22:7

nafa'da basa malanga solda'du matuainan sila-la nae, “Mamanene leona, hai hataholi Benyamin-nala lemin! Ade, touk fo mana'de Dauk ndia, neukose ana fe emi tina ma osi angol do? Ade, neukose ana so'u emi basa-basam-mala, da'di malanga solda'du matuaina nai solda'dun-nala dalek do?

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.