1 TAWARIKH 14:12 - Susula Malalaok Hehelu Palak Ma Hehelu Beuk

¹² Lelek fo Filistin solda'du nala lalai boema, ala ta hapu loak ho'ileni sila dodoki-dudula sosongo-tatangon nala fa. Dauk paleta fo ela hotuheni dodoki-dudulak sila-la.

1 TAWARIKH 14:12 ပူးပေါင်းရင်းမြစ်များ

2 SEMUEL 5:21

Solda'du Filistin-nala lalai, de ala ta hapu loak, ho'i leni sila dodoki-dudula sosongo-tatangon-nala fa. Dauk no solda'dun-nala, ho'i-la dodoki-dudulak sila-la.

2RAJA-RAJA 10:26

de ala kalua heni Baal dodoki-dudulan, de ala hotu henis.

2RAJA-RAJA 19:18

Ana hotu heni lamatua daebafan-nala boeo, nana lamatua daebafak sila-la, ta lanuu koasa makandondook fa. Sila ka'da dodoki-dudulak neme ai ma batu mesan, fo hataholi daebafak-ka nde taon-nana.

1 TAWARIKH 14:11

Boema Dauk no solda'du nala leu sapu la hataholi Filistin sila-la nai Baal-Perasim de ana sengis. Dauk nafa'da nae, “Manetualain pake au soaneu hona akalulutuk musu a sama leo faa tao natu'u basa hata lala'en-na, nai hatematak esa.” Hu ndia de, loke mamanak ndia lae Baal-Perasim.

1 TAWARIKH 14:13

Beita dooanak boen te, hataholi Filistin nala mai de lamanako seluk nai Bafak Refaim ma.

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.