1 TAWARIKH 13:7 - Susula Malalaok Hehelu Palak Ma Hehelu Beuk

⁷ Ala losa Baala boema, ala ho'i la Peti Hehelu-balataak ndia neme Abinadab uman mai, boema ala fuan neu kaleta beuk esa lain. Uza ma Ahyo tunga kaleta ndia,

1 TAWARIKH 13:7 ပူးပေါင်းရင်းမြစ်များ

2 SEMUEL 6:3

Ala ho'i Peti Hehelu-balataak ndia, neme Abinadab uman-na nai pupukuk lain, de ala fuan neu nggalobak beuk dale. Boema Uza ma Ohio, fo Abinadab anan-nala, ala tunga nggalobak ndia; Uza la'ok nai boboan-na,

2 SEMUEL 6:4

ma Ohio la'ok nai uluk.

1 TAWARIKH 15:13

Lelek Peti ndia nanalaliheok makasososan-na, emi ta ndia fo so'un fan. Hu ndia de Amak, fo ita Manetualain na huku ita, nana ita ta sene-do'ok kana ta nandaa no hihii-nanaun fa.”

1 TAWARIKH 15:2

Dauk nafa'da nae, “Ka'da hataholi Lewi la nde bole so'u Manetualain Peti Hehelu-balataan ndia, nana sila nde Manetualain heles soaneu ndolo Peti ndia ma lamahelen losa dodoon-na.”

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

SEMUEL SUSULAK-KA ESAN-NA 6:7

Hu ndia de, sadia-ma nggalobak esa no sapi dua, bei lasu'u anan-nala, ma nanapake beitak, fo ala hela nggalobak-ka. Pa'a sapi ka duak sila-la neu nggalobak-ka, fo foo falik sapiana sila-la leo lalae dale neu.