1 TAWARIKH 13:2 - Susula Malalaok Hehelu Palak Ma Hehelu Beuk

² Boema nafa'da basa hataholi sila-la nae, “Metema emi makaheik, ma Amak ka, fo ita Manetualain nau soona, malole lenak ata tadenu hataholi neu leo basa imam mala ma hataholi Lewi la lai sila nggolo nala, boema ita leoinan fe'ek kala fo ladenus ala mai lakabubua loo ita nai ia.

1 TAWARIKH 13:2 ပူးပေါင်းရင်းမြစ်များ

1RAJA-RAJA 12:7

Hataholi sila-lataa lae, “Metema te'e-te'e Ama Manek hii da'di ata neu laun-na soona, sipok sila nonoken-na, soona neukose ala lakalupu-lakatele neu Ama Manek losa dodoon-na.”

1 TAWARIKH 10:7

Lelek basa hataholi Israel manaleo nai Bafak Yizreel-la lamanene lae solda'du Israel-la lalai, ma lae mate Saul no anamanen nala so, boema lalai la'oela sila kotan-nala. Boema hataholi Filistin-nala langatuu-la kota sila-la.

1 TAWARIKH 13:1

Manek Dauk ka nakokolaok no basa malanga solda'du matuainan fo nauli-nalanga solda'du lifun esa ma solda'du natun esa.

1 TAWARIKH 13:3

Basa soona ata teu ho'i ta Manetualain Peti Hehelu-balataan, te nai lelek Manek Saul la paleta, ana ta taoafik neu fan.”

KELUARAN 18:23

Metema o tao leondiak, ma Manetualain paleta dede'ak ndia neu o soona, neukose o makalala'ok mabe'i o bela-ba'um, de basa hataholi-la fali le'us no namahokok, nanahu sila dede'an-na nananaketu-nala'dik no lai-laik.”

AMSAL 15:22

Dale tutu'uk-ka ta da'di fa, metema ta sama-sama no dodoo-tataik fa; tehu dale tutu'uk-ka neni buna-boak, metema hataholi manafe nanoli-nafa'dak makadotok.

YESAYA 37:4

Manek Asyur-ra, nadenu basa malanga solda'du matuainan-na so, fo nakamumulu-nakamamaek Manetualain fo maso'dak-ka. See bubuluk, fafa'kama Manetualain namanene basa nakamumulu-nakamamaek ndia so, de neukose Ana huku hataholi manakokolak-ka! Hu ndia de, hule-haladoi leon neu Manetualain, soaneu ita hataholin fo bei maso'dak-kala.”

SEMUEL SUSULAK-KA ESAN-NA 31:1

Ndia te, hataholi Filistin-nala latee-lata'ti la'ban hataholi Israel-la, nai letelepak Gilboa. Mate hataholi Israel makadotok neme ndia, tehu nggelok loo Saul no anamanen-nala lalai.