1 TAWARIKH 12:20 - Susula Malalaok Hehelu Palak Ma Hehelu Beuk

²⁰ Basa manamatee-matatik neme leo Manasye fo leu look Dauk nai lelek anan-nai leleo-lala'o na dalek leo Siklag neu a, nde: Adnah, Yozabad, Yediael, Mikhael, Yozabad, Elihu ma Ziletai. Esa na nalanga solda'du lifun esa.

1 TAWARIKH 12:20 ပူးပေါင်းရင်းမြစ်များ

1 TAWARIKH 12:19

Lelek Dauk no hataholi Filistin-nala latee-lata'ti loo Manek Saul-la, leo Manasye solda'dun-nala seli leu look Dauk. Tuga ndoon-na, Dauk ta tulu-fali hataholi Filistin sila-la fa. Basa mauli-malangan Filistin-nala ladenun fali ne'un leo Ziklag neu, nanahu ala bii, neukose neu fo nok Manek Saul-la, fo nalelesi sila.

1 TAWARIKH 12:21

Sila manamtee-matati makadelek kala de ala tulu-fali Dauk la'ban solda'du musu a. Neu fai makabuin boema, ala da'di malanga solda'du matuaina nai Israel solda'du nala dalek.

1 TAWARIKH 8:20

Elyoenai, Ziletai, Eliel,

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

ULANGAN 33:17

Yusuf be'i-balakain ba'u sapi fuik-ka, be'i-balakain, ma sapi mane fuik-ka susulan ndia nde, hataholi Manasye-la lifu-lifun ma hataholi Efraim-mala, kefin-kefin Ana puka leoinak-kala, ma ana sesetis losa daebafak-ka bu'un-nala.”

SEMUEL SUSULAK-KA ESAN-NA 29:11

Hu ndia de, balahaa fafaianak boema, Dauk no solda'dun-nala fali le'us leo nusa Filistin-na leu, te solda'du Filistin sila-la, leu leo Yizreel leu.

SEMUEL SUSULAK-KA ESAN-NA 29:3

Hataholi Filistin-nala, malanga solda'du matuainan-nala litas, boema latane lae, “Te hataholi Ibrani sila-la, ala tao beek nai ia?” Boema Akhis nataa nae, “Dauk nde ia, ana da'di hai Mane Saul fo neme Israel mai, hataholi mana'a ngga'din so. Ana leo dodooana faa no au so. Mulai neme ana mai leo au mai, losa faik ia, au beita hapun, ana tao salak fa.”

SEMUEL SUSULAK-KA ESAN-NA 29:4

Tehu malanga solda'du matuaina Filistin sila-la, lamanasa Akhis, de lafa'dan lae, “Madenu hataholi ndia, fali ne'un leo o fen kota neu. Ana ta bole natee-nata'ti sama-sama no ita fa; boso nalosak natee-natatik-ka makee boema, nalelesi ita. Ade, ia ta nde da'di fai loak malole hiik ba'eneun, fo ana tao namaloa ndia manen-na dalen-na, no enok, ana taonisa ita solda'dun-nala hetu do?