1 TAWARIKH 12:18 - Susula Malalaok Hehelu Palak Ma Hehelu Beuk

¹⁸ Hataholi esa neme hataholi sila-la mai, fo nde Amasai, fo basa boema ana da'di mauli-malangan neu nakabubuak fo loken lae “Tridasawira”, Manetualain Dula Dalen-na koasa-nan, boema nafa'da nae, “Dauk, fo Isai anan-na! Ami tia-to'ba o! Sa'di leo been-na, o ma sila manatulu-fali o-a, sila tulu-falin ta louk fa. Manetualain nok o!” Boema Dauk sipok-kasa, de ana so'us da'di malanga solda'du mademaina nai solda'dun-nala dalek.

1 TAWARIKH 12:18 ပူးပေါင်းရင်းမြစ်များ

2 SEMUEL 15:21

Tehu Itai nataa nae, “Ama Manek fo mandela-masa'ak, no Manetualain fo maso'dak-ka na'den-na, ma no au Ama Manek maso'dan-na, au Ama Maneng neu leo bee neu boeo, neukose atam-ma tunga, leomae nasasalematak no mamates-sa boe.”

2 SEMUEL 17:25

Absalom so'u Amasa da'di malanga solda'du, fo ana nggati Yoab. Amasa nde been-na, Yitra, fo hataholi Ismael esa anan-na. Inan na'de Abigail, fo Nahas anan-na, fo nde Yoab inan Zeruya tolanoon-na.)

2 SEMUEL 19:13

Boeo Dauk nadenu leu lafa'da Amasa lae leo ia, “Ade, o ta nde au tia-laing fa do? Mulai besak ia, au so'u o da'di au solda'dung-ngala malanga matuainan, fo nggati Yoab. Sa'di leo been-na, Manetualain taonisa au, metema au ta tao tunga dede'ak ndia fa!”

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

1RAJA-RAJA 9:22

Salomo ta tao hataholi Israel-la da'di ata fa; sila bela-ba'un nde ala da'di solda'du, malanga solda'du, malanga solda'du matuaina ma malanga kaleta musu, ma solda'du manasa'e ndala.

2RAJA-RAJA 10:15

Yehu la'ok nakandoo leleo-lala'on. Yonadab fo Rekhab anan-na, ana soluk-kana nai eno tala'dak. Yehu nate'an, ma nae, “Ade, ita dalek esa hetu? O nau tia-to'ba au do ta?” Boema Yonadab nataa nae, “Hei,” Yehu balas-sana nae, “Metema leondiak soona, mai fo taho'u limak.” Ala laho'u limak, de Yehu fali Yonadab, fo ana sa'e leo kaletan dale neu,

2RAJA-RAJA 10:5

Hu ndia de, malanga uma manek-ka, ma walikota, sama-sama no lasi-lasi nggolok-kala, ma basa Ahab upu-anan, ina-aman, fo mananggati ina-ama bongin-na, ala haitua fe Yehu halak-ka nde ia, nae, “Ami makatele neu Tuan, ma ami nau tao su'di beek, fo Tuan paletan neu ami. Neukose, ami ta so'u su'di see boen, fo da'di manek fa. Tuan tao hata fo malole, tunga Tuan mata memeten-na.”

2RAJA-RAJA 9:32

Yehu nanganalo leo jendela neu, de nae, “See kande nok au-a?” Boema, uma manek-ka, hataholi mana'a ngga'din dua do telu, lamanene boema, ala mete leo dae leu.

1 TAWARIKH 11:11

Malanga solda'du matuaina makasososak-ka nde Yasobam, fo hataholi Hakhmoni, ndia mauli-malanga “Triwira”. Nai natee-natatik esa dalek, ana la'ban hai hataholi 300, de ana tee nisa la'i esak-kasa.

1 TAWARIKH 12:17

Dauk neu natongo nos, de nafa'da nae, “Metema emi mai da'di leo tia-laik soaneu tulu-fali au soona, makabubua moo ami. Ami sipok emi no dale namahokok. Tehu metema emi sanga ke'di au, fo emi fe au leo musu neu soona, leomae au ta tao mangalauk neu emi fa, te Manetualain fo ita bei-ba'i kain sene-do'ok-ka bubuluk, de neukose Ana huku emi.”

1 TAWARIKH 2:17

Abigail saon-na Yeter, fo Ismael tititi-nonosin ndia. Ala bongi-la anatouk esa na'de Amasa.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

ZAKHARIA 8:23

Nai faik ndia, neukose hataholi nusa dea 10 mai leo hataholi Yahudi esa mai, fo lafa'da lae, ‘Ami boeo mahiik maua-manale sama leo emi boe, nana ami mamanene, lae Manetualain ba'e-pala emi.’ ” Manetualain Fo Manakoasa nde manakokolak-ka.

MATEOS 12:30

Hataholi see ta nok au fa soona, te'e-te'e ana lena-la'ban Au. Ma hataholi see ta tulu-fali Au fa soona, te'e-te'e ana tao nakalulutuk Au tatao-nono'ing!

GALATIA 6:16

Ba'eneu hataholi fo laso'da tunga dale nakeketu leondia ka, ma ba'eneu Manetualain hataholi kamahehelen lala'ena, au amahena, ela leo bee na, Manetualain fes so'da-molek ma susue-lalai na.

HAKIM-HAKIM 13:25

ma lelek nai leo Dan-na ofun manai Zora ma Esytaol-la tala'da, boema Manetualain Duladalen-na fen be'i-balakaik.

HAKIM-HAKIM 3:10

Manetualain Duladalen-na koasa Otniel, nalosa ana da'di hataholi Israel-la, mauli-malangan. Neu natee-nata'ti boema, Manetualain, fen ana sengi mane Mesopotamia.

HAKIM-HAKIM 6:34

Tehu, Manetualain Dula dalen-na koasa Gideon, nalosa ana puu pupuuk-ka, fo naloo leo-ingu Abiezer hataholin-nala, fo daenga, ala mai lakabubua lon.

RUT SUSULAN-NA 1:16

Tehu Rut nataa nae, “Ina, Ina boso madenu au fali u'ung-nga, fo au la'oela Ina! Au nau tunga o Ina. Ina leo bee neu soona, au u leo ndia u. Ina leo nai bee soona, au leo nai ndia boe. Ina leoinan-na, au leoinang boe. Ina sene-do'ok neu Manetualain-na, neukose au sene-do'ok-kana boe.

SEMUEL SUSULAK-KA ESAN-NA 16:4

Semuel taon sama leo Manetualain nafa'dak-ka. Lelek ana losa Betlehem boema, basa mauli-malangan kota, sipok-kana no nggenggengek ma latane lae, “Ade, Ama mamain ia, neni so'da-molek do?”

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.

SEMUEL SUSULAK-KA ESAN-NA 22:7

nafa'da basa malanga solda'du matuainan sila-la nae, “Mamanene leona, hai hataholi Benyamin-nala lemin! Ade, touk fo mana'de Dauk ndia, neukose ana fe emi tina ma osi angol do? Ade, neukose ana so'u emi basa-basam-mala, da'di malanga solda'du matuaina nai solda'dun-nala dalek do?

SEMUEL SUSULAK-KA ESAN-NA 24:12

Au amang mete leona! Mitak au ho'u Ama Manek ba'du manalun-na, bibian-na nde ia. Tunga ndoon-na, atam-ma bisa taonisa Ama Manek dei, tehu atam-ma ka'da ke'di-na Ama Manek ba'du manalun-na, su'udoon faaanak. Da'di, tete'ek-ka, atam-ma ta nanuu dudu'a mangalauk, do nalelesi Ama Manek fa. Ama Manek usi atam-ma do'e-do'e, fo taonisa atam-ma, leomae atam-ma ta nasala Ama Manek faa anak boen.

SEMUEL SUSULAK-KA ESAN-NA 24:13

Sa'di leo been-na, Manetualain nde naketu ita dua, se kande nasala! Sa'di leo been-na, Manetualain nde balas Ama Manek tatao-nono'in la'eneu atam-ma, tehu neukose atam-ma, ta tao nahe'di Ama Manek faa anak boen

SEMUEL SUSULAK-KA ESAN-NA 24:16

Neukose, Manetualain da'di manakee-manafula neu ita dua. Sa'di leo been-na, Ana palisak dede'ak ia, fo nasala'e atam-ma, boema Ana soi-tefa-na atam-ma neme Ama Manek mai.”

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.