1 TAWARIKH 11:5 - Susula Malalaok Hehelu Palak Ma Hehelu Beuk

^5-7 Hataholi Yebus-sala lafa'da basa Dauk, lae hapu nai bee, ndia hapu masok sila kota ndia. Tehu Dauk hapu loso-na sila kota musun-na, na'de Sion. Nai lelek ndia, Dauk po'a-benga basa neu solda'dun-nala, nae hataholi makasososak fo ana taonisa hataholi Yebus esa, neukose nanandoo eik da'di malanga solda'du matuaina. Boema hu kande Yoab nde makasososa sapu-na hataholi Yebus-sala boema, Yoab nanandoo eik da'di malanga solda'du matuaina. (Yoab inan na'de Zeruya.) Loso-la kota musu Sion-na boema, Dauk leo neme ndia. Hu ndia de, neme lelek ndia mai, loke kota musu ndia lae “Kota Dauk”.

1 TAWARIKH 11:5 ပူးပေါင်းရင်းမြစ်များ

2 SEMUEL 6:10

Hu ndia de, ana ta nau neni Peti Hehelu-balataak ndia, leo Yerusalem neu so'on, de ana pe'dan neme Obed-Edom, fo hataholi Gat ndia, uman.

2 SEMUEL 6:12

Mane Dauk-ka namanene, lae Manetualain fe baba'e-papalak neu Obed-Edom teidalen-nala, ma hata-heton lala'en-na, nanahu Peti Hehelu-balataak ndia. Boema, neu leo Obed-Edom uman neu, de ana ho'in-na Peti-a, fo ana lali heok-kana leo Yerusalem neu, de ana tao feta matuaina.

1RAJA-RAJA 8:1

Basa ndia boema Mane Salomo naloo lasi-lasi leo-la ma teidale-bobongik lala'en-na leme Israel mai fo latongo loon nai Yerusalem, fo ala laliheok Manetualain Peti Hehelu-balataan neme Sion, kota Dauk, leo Manetualain Uman neu.

1 TAWARIKH 11:4

La'iesa boema, Manek Dauk-ka no basa solda'du Israel-la lala'en-na, leu sapu-la kota Yerusalem-ma. Nai lelek ndia, kota ndia na'de Yebus, ma hataholi Yebus-sala leo lai ndia, fo nde kota ndia laun matetun-nala.

2TAWARIKH 5:2

Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

MAZMUR 122:5

Nai kota ia nde, mane-manek fo, Dauk tititi-nonosin-nala laketu-lala'di laun-nala.

MAZMUR 132:13

Nana Manetualain hele basa Sion so; Ana nahiik-kana, soaneu da'di mamana leleon-na.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 48:2

Tete'ek-ka, Manetualain matua-madema, ma nanakoa-nanakiok nanseli nai ita Manetualain kotan-na, nai pupuku malalao-malalafuk-ka.

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

MAZMUR 87:2

Ana sue-lai-na Yerusalem ba'un-na seli, neme basa kota manai Israel-la.

MAZMUR 87:5

Ba'eneu Sion soona, neukose hataholi-a nafa'da, nae basa leoina fo, ala masok lai ndia laun-na dalek, ma nae Manetualain Fo Mademaina, neukose tao natea-nahelen.

MAZMUR 9:11

Hataholi fo nalelak O-a, namahena neu O, ou Manetualain hataholi fo manasene-do'ok neu O-a, O ta la'oela fan.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

NINITAK 14:1

Basa ndia de au mete boema nono'ka bai Bi'ilopo Ana ndia napadeik nai Lete Sion lain. Bi'ilopo Ana ndia sama-sama no hataholi lifun natun esa hahuluha. Bi'ilopo Ana ndia no Aman na'de nala nanasulak nai hataholi sila la esa-esak dedei na.

HAKIM-HAKIM 19:10

Tehu hataholi Lewi ndia, ta nau sungu seluk nai ndia fa. De ndia ma saon-na, la'o sama-sama loo atan-na, ma keledei ka duan, fo bela basa ne'an-nala so. Lelek sanga nae le'odae boema, ala losa mamanak-ka deka no Yebus (fo nde Yerusalem). Boema, ata ndia nafa'da tuan-na nae, “Tuan, mai fo ata tuli, fo malole lenak, ata sungu nai hataholi Yebus ia kotan-na.”

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.