1 TAWARIKH 11:17 - Susula Malalaok Hehelu Palak Ma Hehelu Beuk

¹⁷ Dauk nahiik nanseli nita nggolo-ta'dun ndia, de nafa'da nae, “Ah, sa'di leo been-na, hapu hataholi fe au inu oe neme oedolu manadeka no Betlehem lelesuinan-na.”

1 TAWARIKH 11:17 ပူးပေါင်းရင်းမြစ်များ

1 TAWARIKH 11:18

Malanga solda'du matuaina ka 3-k sila-la lamanene dede'ak ndia boema, ala tola tunga hataholi Filistin-nala ofun dale, fo leu hela oe neme oedolu ndia mai, basa boema lenin leo Dauk neu. Tehu Dauk ta nau ninu fa, de ana po'a henin da'di neu tunu-hotuk neu Manetualain.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 60:9

Gilead ma Manasye nde been-na, Au nuung, Efraim nde Au ti'ilanga baing-nga, ma Yehuda nde au nusang-nga aitete'en-na.

MAZMUR 63:1

Dauk kokoa-kikiok, nai lelek nai moo solokaek Yehuda.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”