1 TAWARIKH 11:13 - Susula Malalaok Hehelu Palak Ma Hehelu Beuk

^13-14 Nai natee-natatik manai Pas-Damim-ma dalek, natee-nata'ti nok Dauk fo ala la'ban hataholi Filistin-nala. Lelek solda'du Israel-la mulai lalai boema, no solda'dun-nala lakatatakak lahele leme tina gandum esa tala'da heon, de latee-lata'ti la'ban hataholi Filistin sila. Boema Manetualain fen sesengik matuaina.

1 TAWARIKH 11:13 ပူးပေါင်းရင်းမြစ်များ

2 SEMUEL 23:10

Eleazar natee-nata'ti nakandoo, fo ana tao namopo-namate hataholi Filistin-nala, nalosa ana sota-mangu nanseli. Liman-na mela, nalosa tafainan-na ta hapu natapo'i neme liman-na mai fa. Nai faik ndia dalen-na, Manetualain fe sesengi matuaina neu hataholi Israel-la. Solda'du Israel fo na'kasa lakadedeak-ka, ala fali ma'is leo mamanak fo Eleazar natee-nata'ti, boema ala o'du-la hataholi manamatek manai sila-la ba'du natee-nata'tin-nala.

SEMUEL SUSULAK-KA ESAN-NA 17:1

Nai faik esa, fo nai lelek hataholi Filistin-nala hoka basa solda'dun-nala, fo ala tutulu matak soaneu latee-lata'ti. Ala ito-ato solda'dun-nala lapadeik lakadadalak nai kota Sokho, fo nai Yehuda nusan dale, ma ala tao sila mamana ofun-na nai Sokho ma Azeka tala'da, deka no Efes-Damim.