1 TAWARIKH 10:4 - Susula Malalaok Hehelu Palak Ma Hehelu Beuk

⁴ Boema Saul nafa'da ta'eanak maneni tafa-sisilon-na nae, “Fe'a-ma, o tafainam-ma, fo paun neu au, fo ela hataholi Filistin fo ta lalelak Manetualain sila-la, boso tao au da'di bua nakamiminak.” Tehu ta'eanak ndia ta nau pau Saul fa, nanahu ana bii nanseli. Hu ndia de, Saul ho'i-na tafainan-na, de ana bala aoinan-na neu tafaina ndia lain.

1 TAWARIKH 10:4 ပူးပေါင်းရင်းမြစ်များ

2 SEMUEL 1:20

Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

2 SEMUEL 1:6

Ta'eanak ndia nataa nae, “Nai lelek ndia, nandaa no atam-ma nai Letek Giboa lain, boema au ita Saul nasala'da teen-na, te kaleta musu-la, ma solda'du manasa'e ndala-la, ala deka fo sanga lakahapi-lan so.

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

1RAJA-RAJA 16:18

Nai lelek Zimri nita ala loso la kota ndia boema, ana neu leo uma manek dale neu de ana hotuaon no uma manek ndia, boema maten.

1 TAWARIKH 10:3

Natee-nata'tik-ka makee nai Saul boboa-kaisun de musu-a kokou isin-nala la'en, nalosa nakahina.

1 TAWARIKH 10:5

Lelek ta'eanak ndia nita nae Saul maten so boema, ndia boeo ana bala aoinan-na neu tafainan lain, boema maten.

HATAHOLI 1:18

Yudas ia, ana hapu dae fo ana da'di mamana loo-laten neme ngga'di mana ke'dindiu mangalau na mai so. Ana tu'da de tatika'di tei na, boema tei aten basa-basan poka leo deak mai, de maten.

HATAHOLI 16:27

Malanga bui a ana nggenge boema ana fo'a. Lelek fo nita lelesu bui la latahuka beno'u boema, ana fe'a na tafaina na fo ana sanga do'doaon, nana naedaenga hataholi nanahuku kala lalai beno'u so.

HAKIM-HAKIM 15:18

Basa boema, Simson name'da maana ma'da nanseli, nalosa naloo bou-bou neu Manetualain. Nafa'da nae, “Manetualain, besak-ka O fe au sesengi matuaina ia. Besak ia, nemen-na, fo au mate no maa ma'dak-ka, nalosa hataholi Filistin fo ta lalelak O ia, ala ho'u-la au do?”

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.

HAKIM-HAKIM 9:54

Abimelekh lai-lai neu naloo ta'eanak manalu'a tafa-sisilon-na, de nafa'dan nae, “Fe'a-ma, o tafainam-ma, fo do'domisa au; au ta nau hataholi nafa'da nae inak esa nde taonisa au fa.” Boema ta'eanak ndia, paun losa maten.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.