1 PETRUS 5:8 - Susula Malalaok Hehelu Palak Ma Hehelu Beuk

⁸ Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

1 PETRUS 5:8 ပူးပေါင်းရင်းမြစ်များ

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

AYUB 2:2

Boema, Manetualain natanen ae, “O meme bee mai?” Nitu-a nataa nae, “Au eme, au leleo-lala'ong fo aleu-alaak su'di leo bee u, fo au la'ok okofefeok daebafak-ka.”

MAZMUR 104:21

Singa molisoluk-kala, langao sanga nana'ak, loke nana'ak fo, Manetualain sadiak-ka.

MAZMUR 109:6

So'u-ma, hataholi mangalauk esa, fo naketu-nala'din, nemen-na fo, musu noon-na, kalaak-kana.

AMSAL 19:12

Manek-ka nasa-melun sama leo; dinis fo nakadoe na'u-aiana.

AMSAL 20:2

Manek-ka nasa-melun, sama leo singa nangao; hataholi fo, nafofo'a nasa-melun-na, sosoan-na nae, ana tao soe aoinan-na mesak-kana.

AMSAL 28:15

Hataholi mangalauk, fo ana koasa hataholi manato'a-taak-ka, sama leo singa manamangaok-ka, do meoasu, fo ana sapu-na hataholi.

YESAYA 50:8

Nana Manetualain deka, Ana nafa'da nae, au salang ta. See nau nale'a no au? Mai fo, ata tutulumatak sama-sama. See kande la'ban au? Madenun fo, ana mai deka no au.

YEREMIA 2:15

Musu non-na, nangao soaneun sama leo singa, daen-na nanataok da'di dae tokotiik, ma louk, ha'i-a na'a heni kotan-nala, laun-na ta leon so'on.

YEREMIA 51:38

Hataholi Babel-la langao sama leo meo asu-a.

YESKIAL 19:7

Ana hona nakalulutuk kota musu-la, ma ana tao nalutu kota-kota-la. Nusak-ka laun-nala lala'en-na, ala dele bee-too, nai lelek lamanene singa nangao

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

DANIAL 6:24

Manek-ka namahoko nanseli, de ana paleta fo kalua heni Danial neme leak ndia dalek mai. Lakalala'ok basa paleta ndia boema, ala mete te ta hapu hinak faa anak boen nai Danial aon-na fa, nanahu namahele neu ndia Manetualain-na.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

HOSEA 13:8

Neukose Au sapu-a emi, sama leo meoasu manamopo anak-ka. Neukose Au sisii-lulu'i emi. Neukose Au kaa emi, sama leo singa kaa emi, nai emi mamanam-ma, ma neukose Au sisii-lulu'i emi, sama leo bana makaa-makisuk-ka.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

AMOS 3:4

Metema singa beita hapu nana'an-na fa soona, nangao nai nula dale do ta? Metema singa ana beita ho'un-na hata esa boen soona, nangao nai bolon dale do ta?

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

ZAKHARIA 11:3

Mamanene manakoasa-la kii-makaleleun leona, sila ua-nale malolen-nala mopok-kasa so! Mamanene singa-singa manai nula-la, langao; nana, nalutu sila mamana leleon fo ndolo-ndolo Lee Yarden-na su'un-na so.

ZAKHARIA 3:1

Nai ninita fe'ek esa seluk dalek, Manetualain natu'du au, Imam Matuaina Yosua, bei napadeik nai Manetualain ata nusa so'dan-na matan-na. Nitu fo naheheleaon basa, soaneu ana kalaak-kana, napadeik nai Yosua boboan-na.

MATEOS 13:39

Boema musu nook fo mana sele-nggali fii sila la, nde Nitu a. Fai keketu-kokolu ka, nde Fai Mate'e ka, ma hataholi mana ketu-kolu la, nde ata nusa so'da kala.

MATEOS 24:42

Da'di manea leona, nana emi ta bubuluk faihi'da fo neukose emi Lamatua ma Ana mai fa.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 4:1

Basa ndia boema, Manetualain Dula Dale na no Yesus leo mo maloa neu fo nitu so'ban.

MATEOS 4:11

Mate'e na boema nitu la'oela Yesus, boema ata nusa soda kala mai de lalalau-laoonon.

MARKUS 4:15

Bini-ngges fo manatu'da nai enok lai na, nakasasama na nde hataholi fo lamanene halak la'eneu Manetualain paleta tao leo bee ka. Tehu lamanenen tutika Nitu mai de ana ho'i-na hata fo nanasele-nggali basak sila la leme dale nala dalek mai.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

LUKAS 22:31

“Simon, Simon. Mamanene leona! Nitu fe basa loak soaneu so'ba-su'di emi, sama leo mana tao tina osi a ana tao kofe'ek gandu ma neme lou na mai, nalosa malole kofe'ek neme mangalau ka mai.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

2 KORINTUS 2:11

Au tao leondiak, fo ela Nitu boso hapu loak soaneu ana koasa ita. Nana ita bubuluk basa nitu dale tutu'u na so.

EFESUS 4:27

fo daenga nitu a boso hapu loak, dudungu-papau emi.

EFESUS 6:11

Pake la'i esak tee-tafa musu fo Manetualain fen neu emi a, fo ela emi hapu makatatakak mabe'i nitu a keke'di-ndindiun ma maa mangana'u na.

1 TIMOTIUS 2:15

Leomae leondiak boe, neukose ina ka hapu so'dak, nana ana bongi anak; sa'di no dale nakaloe aok, namahele nahele Kristus, ma ana sue-lai nahele hataholi fe'ek, ma naso'da malalaok neu Manetualain.

1 TIMOTIUS 2:9

Ela leo been-na, basa ina kala bubu'u-dada'a ao ina nala no mandaa na, ma ala pake-nggao no ha'da-holomata. Ala boso nggute adu-dodoki langa doo nala, do pake lilo pila poemata, do ala pake bua lo'a kabeli ina la.

1 TIMOTIUS 3:11

Hataholi sila, saoina nala boeo, muse hataholi malole, boso hataholi mana tui dede'a pe'dak. Muse lakatatakak lalelak ao ina nala, ma ala tao tunga ka'da ndo na, nai basa dede'ak lala'ena dalek.

1 TIMOTIUS 3:2

Mauli-malanga salanik esa, muse hataholi bu'u-ba'e tak, saon ka'da esa, nakatatakak nala dale na, manatee tenok, ma mana ito-ato malole; ana nau sipok hataholi leo uman neu, ma nanoli nalelak hataholi; boso hataholi mana mafuk ala lalu;

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

TITUS 1:8

Te muse hele hataholi fo, ana hii sipok hataholi leo nai uman no namahokok, ana hii ka'da tatao-nono'i malalole, nakatatakak na ao ina na, ana tao tunga ka'da ndo na, malao-malalafuk, ma mana ito-ato malole.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.

TITUS 2:2

Manoli toulasi kala, fo daenga lakatatakak ao ina nala, manatee-tenok, boema laso'da sama leo hataholi fo nanda nanafe ha'da-holomata. Muse ala ho'u lahele nanoli ndoos fo, maneme Manetualai na mai, lasue-lalai ao no matetu-mandaak, ma lakatatakak nai doidoso ka dalek.

TITUS 2:4

fo daenga no enok ndia, sila hapu lanoli-lafa'da ana fe'oana kala, fo ala sue-lai saotou na ma ana nala,

TITUS 2:6

Leondiak boe, manoli hataholi muli-solu kala, fo ala da'di hataholi manatee tenok.

YAKOBIS 4:7

Hu ndia de, makaluku-makatele neu Manetualain, ma laban Nitu a, fo ela Nitu a nalai la'oela emi.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

NINITAK 12:10

Boema au amanene hala ka nahala napane'e nai nusa so'da ka nae, “Besak ia fai na losa, Manetualain soi-tefa hataholi kamahehele nala! Besak ia Manetualain natu'du koasa na da'dileo Manek! Besak ia Mane Mana Fe so'dak fo nanaheluk ndia boeo natu'du koasa na! Nana manakalaak ita tolanoo nala lele'do le'odaen nai Manetualain mata na, nanakalua-henik neme nusa so'da ka mai so.

NINITAK 12:12

Hu ndia de ela leo bee na nusa so'da ka no basa hata fo manaleo nai dale ka, lamahoko-setelee! Tehu soe ba'eneu daebafa ka ma tasi a, nana Nitu kona neu emi ninik nasa-melu matuaina na, nanahu ana bubuluk basa, fai na ela ka'da faa anak so.”

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.

NINITAK 20:2

Boema ana ho'u na naga fo menge lasik ndia, fo Nitu do dula dale mangalauk ndia de ana feo puputun soaneu teuk lifun esa dale na.

HAKIM-HAKIM 14:5

Boema, Simson no ina-aman leu sama-sama leo Timna leu. Lelek ala la'ok la'di osi angol esa boema, Simson natongo no singa molisoluk esa. Singa ndia nangao,