1 PETRUS 5:14 - Susula Malalaok Hehelu Palak Ma Hehelu Beuk

¹⁴ Matete'aok no susue-lalai katemak tuak, sama leo tolanoo Salani ka. Ela leo bee na, Lamatua ka fe mole-dame neu emi basa-basam fo, mana da'di Kristus nuun nala. Ha'da-holomata neme ami, Petrus

1 PETRUS 5:14 ပူးပေါင်းရင်းမြစ်များ

MATEOS 5:47

Boema metema emi fe ha'da-holomata neu ka'da emi nonoo mala mesa kasa soona, ade emi lena ma nde bee? Nanahu hataholi fo ta lalelak Manetualai na boeo, ala tao leondiak boe!

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

YOHANIS 20:19

Bei nai mamasok ndia dalen-na boe, tehu la'e le'odaek, boema Yesus ana manatunga nala lakabubua leme uma esa dalek, de ala nggoelisa basa lelesu la, nana ala bii manakoasa Yahudi la. Tehu nggenge te Yesus mai de napadeik nai basa-basas tala'da, boema nafa'das nae, “So'da-molek ba'eneu emi.”

YOHANIS 20:26

Basa mamasok esa seluk boema, Yesus ana manatunga nala lakabubua seluk nai mamanak ndia, tehu ia soona, Tomas nai ndia boe. Ala nggoe lisa basa lelesu la. Tehu Yesus mai de napadeik neu basas tala'da, boema nafa'das nae, “So'da-molek ba'eneu emi.”

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

ROMA 16:16

Matete'aok no susue-lalaik sama leo tolanoo Salani ka. Basa Kristus salani nala landuku-lalosak sila nate'a na neu tolano-tolanoo kala.

ROMA 8:1

Besak ia, ta hapu huhukuk soaneu hataholi fo laso'da lo Kristus Yesu sa so'on.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

1 KORINTUS 16:20

Basa hataholi kamahehelek manai ia la, landuku-lalosak sila nate'a na neu emi. Matete'aok no susue-lalaik da'dileo tolanoo kamahehelek esa.

2 KORINTUS 13:12

Matete'a aok esa no esa no susue-lalaik sama leo tolanoo namahehelek esa. Basa Manetualain hataholi kamahehele lala'ena, haitua fe emi nate'ak.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

EFESUS 6:23

Ela leo bee na Amak Manetualain, ma Lamatuak Yesus Kristus soi enok fe basa hataholi kamahehelek lala'e na, soaneu ala da'di esa ma lasue-lalai ao. Boema lamahele lahele Kristus.

1 TESALONIKA 5:26

Matete'aok no susue-lalaik, sama leo hataholi Kamahehele ka.

3 YOHANIS 1:14

Au amahena, ita dua hapu tatongo nai fai lalai anak ia, fo ita dua kokolak matak no matak.