1 PETRUS 5:10 - Susula Malalaok Hehelu Palak Ma Hehelu Beuk

¹⁰ Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

1 PETRUS 5:10 ပူးပေါင်းရင်းမြစ်များ

MAZMUR 119:28

Au samaneng-nga lutu-lutu, hu kande susa tuni-ndenin, matetea-mahehele au, nandaa no O hehelu-balataam.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

ROMA 16:25

Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

ROMA 9:11

Beita bongi ni'iana kaduak sila la fa te, Manetualain naketu basa, Ana hele see ka so. Manetualain hehelen ndia ta namahena hata fo hataholi daebafa ka hele ka fa, te namahena neu Manetualain hala nalo na mesa kana. Nana nai lelek Ribka ana touana kaduan sila la beita tao lalelak bee ka nde malole do bee ka nde mangalau ka fa te,

ROMA 9:24

Ita nde nalo basa ka, ta ka'da neme leoina Yahudi la mai fa, te nalo neme hataholi fe'e kala boe.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 1:9

Manetualain fo hapu nananamahelek te'e-te'e a, Ndia nde Manetualain fo nalo basa emi soaneu da'di esa mo Ana na, fo nde ita Lamatuan Yesus Kristus.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

KOLOSE 2:7

ma mahuu-maoka nai Kristus dalek. Ela leo bee na emi mapadedeik emi maso'da ma neu netes esa lain, fo nde Kristus. Ela leo bee na emi boetai mamahele Kristus, tunga hata fo lanoli basan neu emi a so. Boema ela leo bee na, emi mamahoko ma moke makasi ba'u ka neu Manetualain.

1 TESALONIKA 2:12

Ami manoli-mafa'da emi, ami matetea-mahehele emi dale ma, ma ami makaseti emi fo ela emi maso'da tao leondiak fo nandaa no Manetualain dale na. Nana Manetualain nalo basa emi, fo sue ka nde emi da'di Ndia hataholin nai Daebafa Beu na dalek, ma emi mame'da mita matua-mademan.

2 TESALONIKA 2:14

Hu no dede'a ka nde ndia de, Manetualain nalo emi tunga Hala Malole fo ami tui-bengan neu emi a. Manetualain nalo emi nanahu, Ana nau fo ela emi hapu mame'da mita ita Lamatuan Yesus Kristus matua-mademan.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

1 TIMOTIUS 6:12

Sanga enok te'e-te'e fo maso'da sama leo hataholi Salani ka, fo daenga o hapu so'da matetu ka ma mana ketu basa ta ka. Nana hu ka nde dede'ak ndia de, Manetualain nalo o ndek lelek fo o makaheik neme hataholi mafandii kala matan mae, o mamahele Kristus.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

IBRANI 9:15

Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

1 PETRUS 1:15

Dede'a nasafali na, ela leo bee na emi malalaok nai basa hata fo, emi tao-no'i ka dalek, sama leo Manetualain fo mana malo emi a, malalaok.

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.