1 PETRUS 4:2 - Susula Malalaok Hehelu Palak Ma Hehelu Beuk

² Hu ndia de, emi bei maso'da nai daebafa ka, de ela leo bee na emi maso'da tunga Manetualain hihii-nanaun, te ta tunga hataholi daebafa ka hihii-nanaun fa.

1 PETRUS 4:2 ပူးပေါင်းရင်းမြစ်များ

MAZMUR 143:10

Manoli au, fo au akalala'ok O hihii-nanaum, nana au Manetualaing-nga nde O. O dale malole, de neukose, O hela-nole au, leo eno matetuk-ka neu.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

MATEOS 20:4

Boema nafa'das nae, ‘Meu maue-male'di nai au osi angol dale. Au bae emi ngga'di ma sama leo ngga'di mandoo fai a no matetu-mandaak.’

MATEOS 21:31

Na, neme ni'iana kaduak sila la mai a, see ka nde tao tunga, aman hihii-nanaun?” Malanga ima mala ma lasi-lasi Yahudi la lataa lae, “Ana ulu ka”. Boema Yesus nafa'das nae, “Mamahele, te neukose Mana susu bea la, ma ina mana sosoa piao kala, ala da'di Manetualain hataholi kamahehele nala, lakahuluk leme emi mai.

MATEOS 7:21

“Ta basa hataholi fo lalo Au lae, ‘Lamatuak, Lamatuak,’ soona ala da'di lima eik neme Manetualain hataholi kamahehele nala mai. Ka'da hataholi fo mana tao tunga Au Amang manai nusa so'da ka hihii-nanaun.

MARKUS 3:35

Hataholi fo manatao-no'i Manetualain hihii-nanau na, ndia nde Au tolanoo toung, tolanoo inang, ma Au inang.”

MARKUS 7:21

Nanahu neme dalek mai, fo nde neme dalen dale mai, dudu'a-aafi mangalau kala moli da'di, fo sila nde tao la hataholi a sosoa-piao, namanako, nanisa,

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 14:7

Ta hapu hataholi esa boen neme ita mai, naso'da soaneu ka'da aoina na mesa kana fa; ma ta hapu hataholi esa boen neme ita mai, ana mate soaneu aoina na mesa kana fa.

ROMA 6:11

Emi muse manaku, emi ta tao sala-singok so'on, te emi da'di esa mo Manetualain, tunga Kristus Yesus.

ROMA 6:2

Tao leo beeo ta leondiak fa! Nana sala-singo ka, ta koasa ita so'on. Hu ndia de, hapu nai bee, ita bole tao sala-singok takandondoo henin?

ROMA 7:4

Tolano-tolanoo ngala lemin! Emi boeo leondiak. Emi ta paluu agama Yahudi hoholo-lalanen so'on, nana emi da'di esa mo Kristus so, de Yesus fo naso'da falik neme mamate sa dalek mai ndia, nuun emi so. Naso'da falik neme mamate sa mai, fo ela ita talalau-taoono Manetualain beidai ita bei maso'dak ia.

2 KORINTUS 5:15

Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

EFESUS 5:17

Boso mamanggoa, fo palisak matalolole hata fo Lamatua ka nahii kana.

EFESUS 6:6

Emi boso tao leondiak, ka'da nai lelek fo lanea emi a, fo daenga emi hapu kokoa-kikiok neme hataholi daebafa ka mai. Tehu ela leo bee na, emi tao no'i basa sila la, sama leo Kristu satan, fo ana tunga Manetualain hihii-nanaun no dale katema tuak.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

KOLOSE 3:3

Nanahu emi mate basa so de, emi so'da ma nananafunik sama-sama no Kristus, nai Manetualain dalek.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

1 TESALONIKA 5:18

Nai basa dede'ak lala'ena dalek, ela leo been-na emi moke maksai neu Manetualain, nana tatao-nono'i leondia ka nde, Manetualain nau emi tao-no'i nana; nana maso'da da'di esa moo Lamatuak Yesus so.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

1 PETRUS 1:14

Mamahele neu Manetualain, fo boso maso'da tunga emi hihii-nanau makahulu ma, nai lelek fo emi beita malelak Manetualain fa.

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

1 YOHANIS 2:17

Hataholi daebafa ka nahiik daebafa ka no basa oe isin lala'ena, tehu besak ia, neukose ana sapu-lalo. Tehu hataholi mana tunga Manetualain hihii-nanau na, naso'da nahele losa dodoo na.