1 PETRUS 4:19 - Susula Malalaok Hehelu Palak Ma Hehelu Beuk

¹⁹ Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

1 PETRUS 4:19 ပူးပေါင်းရင်းမြစ်များ

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

MAZMUR 138:8

Neukose, O tao matetu, O hehelum neu au-a; boso hahae tao hata esa, ba'eneu O anam-mala.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 37:5

Fe o so'dam-ma neu Manetualain, mamahena neun, te neukose Ana tulu-fali o.

YESAYA 43:21

Sila nde leoina fo, Au akadada'dik-kasa ba'eneu Au, fo ela, ala hapu tui-benga kokoa-kikiok ba'eneu Au.”

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”

DANIAL 6:22

Boema namanene Danial hala natataan-na nae, “So'dak ba'eneu Ama Manek losa dodoon-na!

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

1 PETRUS 2:15

Nanahu Manetualain nau, fo ela no emi tatao-nono'i malolem ndia, de emi ko'o ketu hataholi mana kokolak dede'a nggoa kala, bafa na.

1 PETRUS 3:17

Malole lenak doidoso hu ka nde tatao-nono'i malole a metema doidosok ndia nde bee na, Manetualain hihii-nanaun neme emi doidoso, hu ka nde tatao-nono'i mangalau ka.

1 PETRUS 3:20

fo nde Noh tepo-lele na, hataholi fo ta mana tunga Manetualai na, samane nala. Nai lelek ndia, Manetualain nahani no ta haelai namanasa, losa Noh tao na ofa ka. Hataholi manai ofak lai na basa-basas ka'da hataholi falu laso'da leme faa tua ka mai.