1 PETRUS 3:8 - Susula Malalaok Hehelu Palak Ma Hehelu Beuk

⁸ Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 PETRUS 3:8 ပူးပေါင်းရင်းမြစ်များ

MAZMUR 103:13

Manetualain sue-lai hataholi kamahehelek-ka, sama leo amak esa, ana sue-lai anan-nala.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

MATEOS 18:33

Ade o dale ma ta kasian neu o nonoom ndia, sama leo au kasian neu o fa?’

LUKAS 10:33

Tehu basa boema hataholi Samaria esa ana la'ok tunga enok ndia boe. Lelek nita hataholi ndia, boema dale na he'di nanseli, nana ana kasia nana.

HATAHOLI 2:1

Lelek fai Pentakosta losa boema, basa hataholi kamahehele kala lakabubua leme mamanak esa.

HATAHOLI 27:3

Balahaa boema ami losa Sidon. Yulius ta tao mangalauk neu Paulus fa. Ana po'i Paulus bole neu donge-dama nonoo nala, fo ana paluu beek soona, ala fen.

HATAHOLI 28:7

Mana paleta matua manai pulu ndia na'de Publius, fo dae na ma uma na ta doo ka neme mamanak ndia mai fa. Touk ia ha'da na neulau hiik. No ami leo uman meu de ami leo mon faik telu dale na.

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

EFESUS 4:31

Tao mamopo basa dale he'dik lala'ena, nape'da dale ka ma nasa-melu ka. Hahae nasapala ka, ma dodoki-aali ka. Boso boe mape'da dudu'a-aafi nakamuu-nakadau ka do dudu'a-aafi fe'ek matak leondia ka bai.

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

FILIPI 2:3

Boso tao-no'i hata esa, hu ka nde emi paluu ma mesa kana do soaneu mamatutua-mamadedema ao ma. Dede'a nasafali na, ela leo bee na emi esa-esak, no dale nakaloe aok nafa'da nae, hataholi fe'ek malole lena neme ndia ao ina na mai.

FILIPI 3:16

Tehu au amahena, emi taoafik neu dede'a ka nde ia: Nai ita maso'da na dalek, ita muse tunga tahele nakanenetek fo ita tungan losa besak ia.

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

1 PETRUS 2:17

Fe ha'dak neu basa hataholi lala'ena, ma sue-lai emi tolanoo salani mala. Bii Manetualain, ma fe ha'da-holomata neu Kese la.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

2 PETRUS 1:7

Nai emi maso'dam fo tunga Manetualain hihii-nanau na dalek, muse tama selu kana no, emi susue-lalaim neu emi tolanoom fo, namahehelek esa boe. Basa soona, emi susue-lalaim neu emi tolanoom fo namahehelek esa, ela leo bee na, emi tama selu kana ninik, sue-lai basa hataholi lala'e na.

1 YOHANIS 3:14

Ita bubuluk basan, ita kalua teme mamates dale mai de ita lali leo maso'dak dale teu so. Ita bubuluk dede'ak ndia, nana ita sue-lai ita tolano nala. Metema see dale susue-lalain ta soona, hataholi ndia bei nai mamate sa koasan dale.